tourte بالكبدة و خيزو و عجينة عشر دقائق

المقادير

  • عجينة عشر دقائق
  • كبدة الكمية لي موجودة عندك ( بقري، غنمي ،دجاج، ...
  • خيزو محكوك فالجهة الغليظة
  • بيض مسلوق
  • بصلة مشلدة
  • معدنوس
  • توابل : ملح - ابزار - كمون - تحميرة - خرقوم - هريس
  • زيت
  • للتزيين أنا ستعملت الفرماج محكوك ايلا ماكانش بلاش
nachidatosabil

اضغطي هنا لمشاهدة الصفحة الخاصة بالعضوة ، والتعرف على مشاركاتها


16980 مشاهدة , منذ13 سبتمبر 2011

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

مرحلة 1

كنرقد الكبدة فالتوابل و شوية المعدنوس وكنشحرها مع شوية البصلة و شوية الزيت كنشحر خيزو حتى هو مع شوية البصلة و الزيت و نضيفو للكبدة كنزيد البيض محكوك و كنخلط كلشي مزيان

مرحلة 2

كناخد العجينة كنطلق طرف منها كنلبسو لمول مدهون بالزبدة و مرشوش بالدقيق كندير فيه الحشوة و كنبسطها مزيان و كنزل الجناب ديال العجينة على هاد الشكل و كندهنهم بالبيض

مرحلة 3

كنطلق العجينة الباقية و كنحاول نقطعها دائرية على قد المول باش نغطيها كنثقبها بالفورشيط باش ما تنفخش و خصوصا الجناب باش تلصق مزيان واخا داهناهم بالبيض

مرحلة 4

كدهنها بصفار بيضة ونطيبها في فران سخون و مني نحس بيها قربات تطيب كنخرجها نحك فوق منها الفرماج وها هي بالصحة و الراحة ملاحظة فالحشوة ممكن تديري البيض مسلوق و ممكن تديريه حتى خضر باش يطري الحشوة و ماتجيش ناشفة بزاف

  1. أضيف بواسطة zuba بتاريخ 13 سبتمبر 2011

    تبركالله عليك أختي وصفة ديزها لكلام كنتمنى تحطي لأخوات عجينة عشر دقائق باش تعم الفائدة مزيد من التألق عزيزتي ومرحباً بكي

  2. أضيف بواسطة nachidatosabil بتاريخ 15 سبتمبر 2011

    الله يبارك فيك أختي و ترحب بيك الجنة ان شاء الله أختي نحطها فأقرب وقت

  3. أضيف بواسطة om mimo بتاريخ 17 أكتوبر 2011

    شكراً أختي هاتين لعجينة هادي بش نولو نديروها مرسي

  4. أضيف بواسطة اسيل بتاريخ 23 ديسمبر 2011

    ما هو الخيزو تبان تشهي

  5. أضيف بواسطة oklat بتاريخ 23 ديسمبر 2011

    خيزوا يعني الجزر اختي اسيل وشكرا

  6. أضيف بواسطة oumamir بتاريخ 13 ابريل 2012

    ممكن مقادير العجين

  7. أضيف بواسطة sara i بتاريخ 13 ابريل 2012

    وصفة غزالة ولكن ماهي مقادير العجين

أضف التعليق

مواضيع مختارة