gateau عيد ميلاد بنتي بالتفصيل

المقادير

  • 1)مقادير الجنواز:
  • 8 بيضات
  • 240غ سنيدة حتى يبيض
  • 240غ دقيق أبيض (فورص)
  • 2 بكنغ بودر (خميرة كيماوية)
  • 2معالق كبار كاكاو
  • 2)لاكريم:
  • 250غ زبدة (لابريري او ليليا غير متكونش ديال لعبار)
  • 2 كيسان صغار سكر كلاصي
  • كيسان صغار زيت (من أحسن ديال درة)
  • 2 كيسان صغارالحليب بارد مذوبة فيه معلقة كبيرة نسكا
  • 2 دانون فاني
  • 3)السيرو:
  • 100ع سنيدة
  • ماء+ قطرات الحامض
malak2008

اضغطي هنا لمشاهدة الصفحة الخاصة بالعضوة ، والتعرف على مشاركاتها


13633 مشاهدة , منذ19 ابريل 2011

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

مرحلة 1

نبداو بلاكريم السريع و تيصدق 100% و تيمكن ليك تديريه عوض شونتي نطرب زبدة مع سكر مزيان بطراب كهربائي +معلقة الحليب منسم +معلقة زيت+ معلقة دانون غادي تمشي بالتناوب حتى تسلي و دائما مع تطراب

مرحلة 2

شوفي ف صورة كيف غادي يخرج ليك

مرحلة 3

الجنواز كلشي تيعرفها تطرب 4 بيضات + 120ع سنيدة حتى يبيض + 120ع فورص مع 1 خمارة خلطي كبيها ف مول مستطيل تجي فيه لخلطة رقيقة شوية غادي تعودي نفس الجنواز مع اضافة 2معالق كبار كاكاو

مرحلة 4

تشدي الجنواز قطعيهم اشرطة

مرحلة 5

بحال ف صورة

مرحلة 6

السيرو:100ع سنيدة +ماء + قطرات الحامض

مرحلة 7

دابا المونطاج كل شريط سقيه بالسيرو

مرحلة 8

و دهنيه بكريما

مرحلة 9

حطيهم بالتناوب وسط اطار حتى تكملهم

مرحلة 10

غطي وجه الحلوى بكريما دخليها لثلاجة تبرد ثم عاودي الجوانب بكريما

مرحلة 11

رشي وجها بكاكاو و زينها كيف بيتي دخليها مرة اخرى لثلاجة تبرد مزيان راه منقولكش تتجي خفيفة وخا تقولي كريما بزبدة عاد نزيدك نسمة لقهوة ف كريم منعشة ونزيدك عرفة اشنو طيبتي فيها هههه كينا و لا أنا بعد كليت نصها أما راجلي هههه وبنتي ملاك عجبتها خصوصاً كريما يالله بصحتكم

  1. أضيف بواسطة majada بتاريخ 18 ابريل 2011

    تبارك الله عليك ملاك وعيد ميلاد سعيد وكل عام وانت بخير بالصحة والهناء

  2. أضيف بواسطة halimarach بتاريخ 18 ابريل 2011

    تبارك الله عليك أختي ملك

  3. أضيف بواسطة halimarach بتاريخ 18 ابريل 2011

    أعيد ميلاد سعيد

  4. أضيف بواسطة شوحليمة بتاريخ 18 ابريل 2011

    عيد مبارك سعيد اختي ملوكة ولعقبا 100 عام انشاء الله وتبارك الله عليك

  5. أضيف بواسطة siham بتاريخ 18 ابريل 2011

    عيد ميلاد سعيد اباش تمنيتي ملاك وام ملاك

  6. أضيف بواسطة zuba بتاريخ 19 ابريل 2011

    أيها يهاي تبركالله عليكم حضرت لعيد ميلاد malak او معرض علي حد هادي هي صحبة ولا فلا هههههه عيد ميلاد سعيد الكبيدة ديالي أول عيد ميلاد مكنحضرش فيه تشفيها كيف كتمنايهة انشاالله وتبركالله عليك حلوة غزالة وتفسير أنيق مزيد من التألق لحبيبة ديالي

  7. أضيف بواسطة malak2008 بتاريخ 19 ابريل 2011

    الله ابارك فيك أختي ماجدة والله اعطيك لخير على دعوة

  8. أضيف بواسطة malak2008 بتاريخ 19 ابريل 2011

    halimarach الله ابارك فيك أختي

  9. أضيف بواسطة malak2008 بتاريخ 19 ابريل 2011

    شوحليمة الله ابارك فيك أختي والله إنورك على دعوة

  10. أضيف بواسطة malak2008 بتاريخ 19 ابريل 2011

    سهام أمين أختي والله اسهل عليك حتى نت بشمة تمنيت إن شاء الله

  11. أضيف بواسطة malak2008 بتاريخ 19 ابريل 2011

    يختي زوبة عرفة اش كين فالقلب نت أختي لي قلت لي ماقدرش تجي على ود متحنات لوليدات الله انجاحهم لك وفرحك وكن شفتي هي شحال توحشت يسرا وخوها الله إحجبهم والله نورك على التعليق

  12. أضيف بواسطة malak2008 بتاريخ 19 ابريل 2011

    سمحو ليا جوبتكم معطلة كنت مسافرة الله اعطيكم الخير كاملات

  13. أضيف بواسطة siham بتاريخ 20 ابريل 2011

    ملاك هدري معاية انا في ساحةالحوار

  14. أضيف بواسطة fatounma بتاريخ 20 ابريل 2011

    تبركالله عليك ملك رائعة تورتة، و عيد مبارك سعيد ملوكة ولعقبا 100 عام انشاء الله، والله يخليها لك حتى تشوفها عروسة....

  15. أضيف بواسطة malak2008 بتاريخ 20 ابريل 2011

    الله ابارك فيك أختي فطومة نتي لي رائعة ف تعليقاتك أمين وفحياتك إن شاء الله

  16. أضيف بواسطة rimaaa بتاريخ 20 ابريل 2011

    تبركالله عليك عيد ميلاد سعيد الله يخليهالك وتفرحي بها إنشاء الله والله يفكك على خير سمحلية راه مدة مدخلة من جيت ندخل إسمي وكلمة مرور مابغوش يتحلو هههه هد بدلت إسم

  17. أضيف بواسطة malak2008 بتاريخ 21 ابريل 2011

    الله ابارك فيك و إن شاء الله منبرك لك حتى نتية عامة قريب يا ربي أمين إو الحمد لله على سلامتك

  18. أضيف بواسطة papi rekci بتاريخ 21 ابريل 2011

    تبركالله عليك عيد ميلاد سعيد

  19. أضيف بواسطة malak2008 بتاريخ 21 ابريل 2011

    الله ابارك فيك أختي papi rekci

  20. أضيف بواسطة shakira بتاريخ 21 ابريل 2011

    لا ماكين مشكل

  21. أضيف بواسطة malak2008 بتاريخ 22 ابريل 2011

    ههههه أملك ashkira ياك متلفتي فالباب ههههههه مرحبا بيك أختي كيفما جيتي ألف مرحبا

  22. أضيف بواسطة نورا بتاريخ 11 مايو 2011

    هشكرا بزاف على هاد الحلوى و تبارك الله عليك

  23. أضيف بواسطة malak2008 بتاريخ 11 مايو 2011

    الله إنورك يا أختي نورا

  24. أضيف بواسطة omadam بتاريخ 22 فبراير 2012

    تبركالله عليك أختي الله يعطيك صحة عجبني بزاف أنك تصوب لحلوى د عيد ميلاد بنتك مشي تشريها.الله يخليك لها او يخليها لك

أضف التعليق

مواضيع مختارة