طورطة سريعة بالبنان و كريما البرتقال

المقادير

  • 12 ملعقة كبيرة عصير برتقال
  • 12 ملعقة كبيرة زيت
  • 6 معالق كبار سنيدة
  • 2 بيضات
  • 1 خمارة
  • 1 فاني 9 معالق كبار دقيق
  • التزيين
  • بنانة مقطعة دوائر
  • مقادير لاكريم
  • كاس كبير عصير برتقال (ربع لتر
  • 3 معالق كبار سنيدة
  • 2 معالق كبار مايزينا
majada

اضغطي هنا لمشاهدة الصفحة الخاصة بالعضوة ، والتعرف على مشاركاتها


8816 مشاهدة , منذ11 ديسمبر 2010

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

كنديرو العصير مع الزيت و سنيدة وقبصة الملح و الفاني و البيض في الخلاط الكهربائي و نخلطو مزيان ثم نزيدو الدقيق و الخمارة و نخلطو بالملعقة او الضراب ثم نصب الخليط في مول مدهون بالزبدة و مرشوش بالدقيق و ندخلوه للفران منين تطيب الطورطة كنخرجوها و نخليوها تبرد تحضير لاكريم كنديرو كاس ديال عصير البرتقال في كسرونة فوق النار مع سنيدة و المايزينا و كنخلطو مزيان و نبقاو نحركو فوق نار مهيلة حتى يعقد الخليط ثم كنديرو الطورطة في طبق التقديم و نسرحو فوقها لاكريم ديال الليمون و نستفو فوقها دوائر البنان و منين تبرد لاكريم ندخلو الطورطة للثلاجة و نخليوها تبرد مزيان من الاحسن تبات فالثلاجة ثم تقدم في الغذ انا درت بعض التعديلات عوض ماندير لاكريم عاد البنان درت العكس ستفت عليها البنان (جوج بنانات دوائر ) و درت عليه الكريما من الفوق حيت خفت البنان يكحال و ما شي ضروري تبرد الطورطة غير وجدت الكريما درتها عليها و خليتهم بردو بجوج و كذلك بالنسبة للطورطة ماتحتاجش تبات فالثلاجة خاص غير الكريما تبرد و تشد فراسها

  1. أضيف بواسطة kaoutar بتاريخ 11 ديسمبر 2010

    هائلة الله يعطيك الصحة

  2. أضيف بواسطة majada بتاريخ 11 ديسمبر 2010

    شكرا اختي كوثر

  3. أضيف بواسطة شوحليمة بتاريخ 11 ديسمبر 2010

    الله يعطيك الصحة كيكة زوينة

  4. أضيف بواسطة ام يوسف بتاريخ 11 ديسمبر 2010

    افكارك وطرقك لتحضير الوجبات بتعجبني ، يسلموا ايديكي

  5. أضيف بواسطة hind بتاريخ 11 ديسمبر 2010

    تبركالله عليك ماعندي منقول

  6. أضيف بواسطة amal.aya بتاريخ 22 ديسمبر 2010

    تبرك الله اعليك انا جرابتها اوجت رائعة

  7. أضيف بواسطة amal.aya بتاريخ 22 ديسمبر 2010

    انا جربته اوجة رائعة العائلة كلهم عجبتهم تبرك الله اعليك

  8. أضيف بواسطة نانا 99 بتاريخ 1 يوليو 2011

    تبارك الله عليك كيك غزال اختي

أضف التعليق

مواضيع مختارة