ميل فوي على طريقة مسمن

المقادير

250غ دقيق الابيض
500 غ من دقيق الفينو
1ملعقة صغيرة من الملح
2 ملاعق كبيرة من السكر
1 كيس فانيليا
1 كيس خميرة الحلويات
1 ملعقة صغيرة من خميرة الخبز
ماء دافئ للعجن
2 أكواب من خليط الزيت والزبدة لتوراق
للتزيين:
قليل من المربى مسخن مع قليل من الماء
لوز مسلوق ومقشر ومقلي ومهروس بعض الشيء او كوكا محمر
سكر كلاصي

idarat

اضغطي هنا لمشاهدة الصفحة الخاصة بالعضوة ، والتعرف على مشاركاتها


مشاهدة , منذ13 مارس 2014

معلومات عن الوصفة

  • وقت الاعداد

    30Min
  • وقت الطهي

    25 Min
  • الوقت الإجمالي

    55 Min

الطريقة

مرحلة 1

بسم الله نبداو على بركة الله هذه المقادير مصورة ولي نستعملو في المسمن ديالنا

مرحلة 2

نقومو بخلط المكونات مع بعضها جيدااااا ونضيف نصف كاس من خليط زبدة و الزيت للعجين ونعجن الكل جيداااااا وندلكها مزيان مسمن كيبغي الدليك ونخليوها ترتاح لبعض الوقت

مرحلة 3

في هذه المرحلة نقوم بتشكيل من العجين كويرات متساوية القد و نكرصوهم بالزيت و الزبدة

مرحلة 4

كنبسطوا الكرة الاولى ونرشها بالزيت اي ندهنوها بالزيت و نرشو السميدة الرقيقة في جميع الجوانب كنجيبوا كرة اخرى ونسرحوها ونهزها و نديروها فوق من الكرة الاولى و حتى هيا ندهنوها بالزيت و نرشوها بالسميد

مرحلة 5

كنبقاو مستمرين في العملية حتى كنتهيو من الكرات لي عدنا ونحصلو على عجين بهذا الشكل

مرحلة 6

من بعد كنطويو العجين ديالنا على نصف ثم نصف الاخر يعني على اربعة

مرحلة 7

كما هو مبين في الصور طوينا العجين على ربعة نخليو ارتاح نجيبوا لاطة ندهنوها بالزيت و نسرحو من فوقو العجين انا استعملت المدلك باش سرحتها كيف ما كتشاهدوا في الصورة ندهنو الوجه ديالها بالزيت و ندخلوها الفران حتى التحمر من التحت و نزلوها باش اتحمر الوجه ديالها كيف انا مبين ليكم في الصورة منين خرجات ندهنوها بالمربى انا عندي مربى جاري هو لي ستعملي ودرت من فوقها الكوكاو محمر بقشورو و هرمشتوا

مرحلة 8

بعد هذه المرحلة درت سكر كلاصي في الصفاية و دوزتوا على المسمنة كاملة مرحلة التزين درتها و المسمنة في اللاطة

مرحلة 9

في لاطة نبداو نقطعوا ميل فوي ديالنا مربعات ونقدموهم في صحن التقديم مع كاس اتاي و بالف صحة و عافية

مرحلة 10

بالصحة والراحة

مرحلة 11

بالصحة والراحة

  1. أضيف بواسطة ام كرم بتاريخ 13 مارس 2014

    تبارك الله عليك مسمن يستحق التجربة

  2. أضيف بواسطة om laila بتاريخ 13 مارس 2014

    مسمن غزال كيشهي تبرك الله عليك

  3. أضيف بواسطة oklat بتاريخ 13 مارس 2014

    شكر ليك اختي ام كرم و ام ليلى على مروركن الجميل

  4. أضيف بواسطة meno بتاريخ 13 مارس 2014

    بسم الله ما شاء الله عليك أختي أسماء مسمن رائع ومعتبر الله يعطيك الصحة

  5. أضيف بواسطة oklat بتاريخ 13 مارس 2014

    شكرا على تعليقك الرائعة يا اختي منار

  6. أضيف بواسطة karima karim بتاريخ 17 مارس 2014

    مسمن رائع راني مجربة كيجي زويين شكراً أختي أسماء

  7. أضيف بواسطة om boutaina بتاريخ 19 مارس 2014

    شكرا اختي اسماء مسمن رائع ان شاء الله انجربوا

  8. أضيف بواسطة meno بتاريخ 14 ابريل 2014

    الله يعطيك الصحة لالة اسماء جربتو وجا تيشهي

  9. أضيف بواسطة oklat بتاريخ 15 ابريل 2014

    ربي خليكم ليا شكرا بزاف على تطبيقاتكم لي وصفاتي شكراااااا كثيرااااا عزيزاتي و بالف صحة و عافية

  10. أضيف بواسطة shams بتاريخ 13 مايو 2014

    باينة بنينة راج اجربها ان شاء الله وشكرااااااااااااااا لك

أضف التعليق

مواضيع مختارة