ميل فوي بطريقتي

المقادير

مقادير العجين المورق 

كيلو من الدقيق النوع الجيد 

قليل من الملح 

الماء للعجين

نصف كيلو من الزبدة النوع الجيد للتوراق

الحشوة 

كريم باتيسير 

لتزين

الشكلاط اسود

فوندوا

idarat

اضغطي هنا لمشاهدة الصفحة الخاصة بالعضوة ، والتعرف على مشاركاتها


مشاهدة , منذ14 نوفمبر 2014

معلومات عن الوصفة

  • وقت الاعداد

    1HMin
  • وقت الطهي

    30 Min
  • الوقت الإجمالي

    31 Min

الطريقة

مرحلة 1

سلام عليكم حبيت انني نقدم ليكم ميل فوي بطريقتي انا العجين ديالي مفيهش تعقيدات كما هو مبين لكم في الصورة هذه هي المكونات

مرحلة 2

نعجنوا العجين ديالنا مزيان ونخليوه ارتاح في الثلاجة

مرحلة 3

المرحلة الموالية هي اننا ناخذ كمية الزبدة ونوضعوها في الوسط ديال العجين لي نقسموه على شكل زائد الصورة توضح ذالك

مرحلة 4

كنطويو الجوانب مع بعض

مرحلة 5

ونجيبوا الجوانب الاخرى مثل الظرف

مرحلة 6

نسرحوا العجين بالمدلك باش الدخل الزبدة في العجين

مرحلة 7

ونطويوها على جوج النصف فوق نصف وبهذا الشكل كنكونوا قمنا باول طية وندخلوها الثلاجة مدة نصف ساعة ونستمروا في العملية 6 مرات

مرحلة 8

نجيبوا لاطة لي دخل الفران نضع العجين المورق ونثقبوه بالشوكة جيدا وندخلوه الفران

مرحلة 9

في هذه الاثناء نوجدوا كريم باتسيسر ديالنا كما هو معروف ونخليوه ابرد في الثلاجة

مرحلة 10

منين كطيب لينا العجينة المورقة نخرجوها للاشارة فقط انا طيبت ثلاث طبقات من العجين يعني العجينة ديالي خرجات ليا ثلاث طبقات من العجين نضع العجين المورق ونغطيه بالكريم باتيسير جيدااا

مرحلة 11

ثم نضع عجين المورق كطبقة ثانية ونضغط على العجين جيداااا بلاطة باش اتلاصقوا الطبقات هذه تقنية كنديرها

مرحلة 12

منيني كنساليو من طبقات العجين نجيو لمرحلة التزين ناخذوا الفوندوا وندوبوه في حمام مريم ونصبه على الميل الفوي ونسرحوه بسرعة باش ميجمدش

مرحلة 13

ونجيبوا الشكلاط مذوب ونعملو خيوط كما هو مبين في الصورة من الاحسن اكونوا خيوط رقيقة انا درت ثقب كبير شوية وخرجوليا الخيوط غلاظ هههههه

مرحلة 14

نقوموا بتزين الميل فوي كما هو معروف

مرحلة 15

ونقطعوها وتقدم بالف صحة و عافية

مرحلة 16

كما ترون توراق باين في الميل الفوي ديالي رغم ان العجينة مفيهاش شي حاجة كثيرة للاشارة على المنتدى عن عطيكم بعض التقنيات في الميل الفوي ان شاء الله

  1. أضيف بواسطة ام كرم بتاريخ 14 نوفمبر 2014

    ساهلة وزوينة عندي سؤال فوندو هو الطﻻء لمتكون من بياض البيض وسكر كﻻصي؟ بغيت الجواب

  2. أضيف بواسطة oklat بتاريخ 14 نوفمبر 2014

    شكرا اختي الكريمة ام كرم نعم هو طلاء انا درت فيه بياض بيضة مع عصير نصف حامضة و سكر كلاصي تبقاي تزيديه حتى تحصلي على نتيجة لي بغيتي وشكرا

  3. أضيف بواسطة Amoora بتاريخ 20 نوفمبر 2014

    كيشهي الله يعطيك الصحة

  4. أضيف بواسطة oklat بتاريخ 20 نوفمبر 2014

    ربي خليك اختي امورة صحتنا و صحتك

  5. أضيف بواسطة malika mohammed بتاريخ 30 نوفمبر 2014

    bon

أضف التعليق

مواضيع مختارة