ميرندينا رائعة

المقادير

لتحضير الجينواز:

  •   4  بيضات .
  •   120 غ دقيق .
  •   120 غ سكر سنيدة.
  •   20 غ غبرة كاكاو.
  •   قبصة ملح.
  •   شوية من نيسكافي.


الحشوة :

  شكلاط ابيض تقريبا 3 دراهم .
  معلقة كريم فريش .


لكريما:

  •   طرف شكلآط أسود.
  •   100 غ زبدة.
  •   4 معالق كبار حليب.
ahlam-sousou

اضغطي هنا لمشاهدة الصفحة الخاصة بالعضوة ، والتعرف على مشاركاتها


11797 مشاهدة , منذ19 مارس 2012

معلومات عن الوصفة

  • وقت الاعداد

    20 دقيقةMin
  • وقت الطهي

    15 دقيقة Min
  • الوقت الإجمالي

    35 Min

الطريقة

   نخدم البيض مع سنيدة وملح حت يصبح خليط ابيض نزيد حبوب نسكافي نكونوا دوزناهم فلغربال هما والطحين ولكاكاو ونبقاو نخلطوا  من لتحت لفوق بملعقة خشبية .

ناخد ورق الطبخ ندهنوا بالزبدة ونرشوا بالطحين ونصب الخليط وندخل للفرن لي سخناه من قبل راه فاقل من 10 دقايق تيطيب .

   نخرجوا البيسكوي ديالنا نقسموه على زوج قطع متساوية ونسقيوه بنسكافي لي شاطت لينا من 1 انا تندير نصف كاس ماء السكر ونيسكافي ونخلط .

   ندوزوا دبا للحشوة: ناخد الطرف الاول من الجينواز لي سقينا مزيان ونعمروا بالحشوة (كنحطو مقادير الحشوة في كاسرونة طريقة حمام مريم )نخليو الجينواز لي عمرنا حت تنشف ونحط فوق منها الجينواز التانية .

   بالنسبة للكريما النهائية ندير كلشي المقاديرفي كاسرونة ونعملوآ على نآر مهيلة حت يدوب كلشي.

   نقطع الكيك على شكا ميرندينا أو على حسب الذوق ونغطس الجوانب فلكريما ونحطوا فوق الورق ونعمر الوجه حت هو بالكريما نخليها حت تنشف مزيان انا تندخلها للمجمد نخرجها ونزوق بالشكلاط ابيض او نخليها عادية .
   بالصحة والراحة.

  1. أضيف بواسطة zuba بتاريخ 19 مارس 2012

    الله يعطيك الصحة مع لوليدات كتعجبهم ميرندا مزيد من التألق عزيزتي

  2. أضيف بواسطة صفية بتاريخ 19 مارس 2012

    الله اعطيك الصحة كتبان زوينة

  3. أضيف بواسطة rodayna2012 بتاريخ 19 مارس 2012

    تبارك الله عليك وصفة زوينة وسهلة

  4. أضيف بواسطة مغربية بتاريخ 20 مارس 2012

    زوينة تبارك الله عليك

أضف التعليق

مواضيع مختارة