ملوي باللوز

المقادير

  • كيلو الدقيق فورص
  • نصف كاس العنبة الزيت
  • 1 خمارة حمراء
  • الملح
  • نصف كاس العنبة ماء الزهر
  • ربع كيلو لوز مصلوق
  • قرفة
  • الزبدة
شوحليمة

اضغطي هنا لمشاهدة الصفحة الخاصة بالعضوة ، والتعرف على مشاركاتها


11078 مشاهدة , منذ12 مارس 2011

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

في كصعة نديرو الدقيق و الزيت و الملح و ماء الزهر و خميرة الحلوى ثم نخلطوا الكل و نعجنوها بالماء دافيء و ندلكوها مزيان العجينة تكون قاصحة شوية تم نغطيوها و نخليوها حتى ترتاح شوية باش ترخا و ندهنوا يدينا بالزيت و نكوروها كويرات صغار في حجم المشمش و ندهنوهم بالزيت تم نخليوهم يرتاحوا شوية. مقادير الحشوة نأخد اللوز مصلوق و منقي و نقسموه على 2 نصف نقليوه والنصف التاني نخليوه كما هو اي غير مصلوق و نطحنوا اللوز تم نضيفوا ليه القرفة و طريف الزبدة و شوية الماء الزهر نخلطوا الكل و نعملو منو صبيعات صغار. كنسرحو الكويرات بشوية الزيت و نورقوهم مزيان تم نتنيوهم متل الملوي العادي تم نعملوا صبيع ديال خليط اللوز في الراس ديال العجينة و نلويوا بحال غادي نعملوا كرواصة تم نلويوا العجينة و نحاولوا اللوز ما يخرجش من الجناب يبقا في الوسط فقط. منين نكملوا كل الكويرات نمشيو للمسمنة الاولى و نسرحوها و نقليوها في زيت سخونة منين تحمر نطفيوها في العسل و ندردروا عليهم الزنجلات او اللوز . وبالصحة والراحة

  1. أضيف بواسطة zuba بتاريخ 11 مارس 2011

    الله يعطيك الصحة للا ويلا رغايف وعرين كوني اكيدة غنصوبهم غزالين معلماو مزيد من التألق طيوبا مشاالله

  2. أضيف بواسطة majada بتاريخ 11 مارس 2011

    تبارك الله عليك حلومة

  3. أضيف بواسطة شوحليمة بتاريخ 11 مارس 2011

    ربي يخليك اختي زوبا ولهلا يخطيك

  4. أضيف بواسطة siham بتاريخ 11 مارس 2011

    تبارك الله عليك رائع

  5. أضيف بواسطة شوحليمة بتاريخ 11 مارس 2011

    الله يبارك فيك اختي ماجدة

  6. أضيف بواسطة daian بتاريخ 11 مارس 2011

    تبارك الله عليك معندي ميتسالك

  7. أضيف بواسطة malak2008 بتاريخ 11 مارس 2011

    تبارك الله على أختنا شو حليمة هاد نعمة فكرتني غير بالعيد الله ازيد وبارك

  8. أضيف بواسطة شوحليمة بتاريخ 13 مارس 2011

    الله يبارك فيك اختي سهام

  9. أضيف بواسطة شوحليمة بتاريخ 13 مارس 2011

    ربي يخليك اختي ديان وعلى التشجيع ديالك

  10. أضيف بواسطة شوحليمة بتاريخ 13 مارس 2011

    شكرا اختي ملاك لهلا يخطيك

  11. أضيف بواسطة سناء بتاريخ 14 مارس 2011

    تبارك الله على نسيبتي العزيزة

  12. أضيف بواسطة ام صوفيا بتاريخ 15 مارس 2011

    الله اعطيك الصحة

  13. أضيف بواسطة شوحليمة بتاريخ 15 مارس 2011

    الله يبارك فيك انسيبتي ربي يخليك

  14. أضيف بواسطة شوحليمة بتاريخ 15 مارس 2011

    شكرا اختي ام صوفيا على التعليق ديالك

أضف التعليق

مواضيع مختارة