مسمن الشحمة بطريقة مختلفة

المقادير

  • مقادير العجينة
  • دقيق الفورص
  • ملح
  • معلقة زيت
  • شوييييييية خميرة العجينة
  • مقادير الحشوة
  • شوية شحمة مقطعة
  • بطاطا مسلوقة و مقطعة رقيقة
  • خيزو مسلوق و محكوك
  • بصلة مشلدة رقيقة
  • معدنوس مقطع
  • زيتون أسود مقطع
  • عطرية : ملح - ابزار - كامون - تحميرة - خرقوم - هري
  • زيت
nachidatosabil

اضغطي هنا لمشاهدة الصفحة الخاصة بالعضوة ، والتعرف على مشاركاتها


15960 مشاهدة , منذ16 سبتمبر 2011

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

مرحلة 1

العجينة كتدلك مزيان و نخليها ترتاح

مرحلة 2

فهاد الوقت كنشحر كلشي فمقلة مع شوية الزيت على نار مهيلة باش ما تحرقش الشحمة نخليها تبرد شوية باش ما تتقبش لي العجينة كنطلق العجينة عادي بشوية الزيت .. كتكون رقيقة بزااااف و كتطوى بحال المسمنة عادي كنطلق مسمنة ثانية كنديرها وسطها المسمنة الأولة غير ملاحظة بغيت نذكر بيها واخا الأغلبية كيعرفوها .. مني نطرقو المسمنة الثانية و نبغيو نحطو وسطها المسمنة الأولة كنقلبوها .. باش مني نثنيو المسمنة الثانية كيجيو قد الطيات الي التحت قد لي لفوق

مرحلة 3

كنعملها فلاطة مدهونة و كنخليها ترتاح شوية عاد كنgرصها كندهن ليها وجها بالزيت لي كتبقى لاصقة فالمقلة

مرحلة 4

وهاهي مني كتطيب

مرحلة 5

وبالصحة و الراحة

مرحلة 6

ملاحظة مني كندير مسمنة وسط مسمنة باش ما يجيونيش الجناب خاوين و قاصحين ها لي كندير هههه

  1. أضيف بواسطة zuba بتاريخ 16 سبتمبر 2011

    للا الله يعطيك الصحة مسمن على حق وتفسير مميز وهاد طريقة هي ديال الوليدة الله اطول عمرها فعلاً فكرتنا فيها الله افكرك في الشهادة مزيد من التألق عزيزتي

  2. أضيف بواسطة majada بتاريخ 16 سبتمبر 2011

    تبارك الله عليك اختي مسمن زوين وساهل

  3. أضيف بواسطة nachidatosabil بتاريخ 19 سبتمبر 2011

    الله يبارك فيكم و الله يخلي ليكم صحيحتكم

  4. أضيف بواسطة mme hind بتاريخ 21 مايو 2012

    تبارك الله عليك اختي

  5. أضيف بواسطة mme hind بتاريخ 21 مايو 2012

    تبارك الله عليك اختي

  6. أضيف بواسطة mme hind بتاريخ 21 مايو 2012

    تبارك الله عليك اختي

  7. أضيف بواسطة mme hind بتاريخ 21 مايو 2012

    تبارك الله عليك اختي

  8. أضيف بواسطة fatizz بتاريخ 21 مايو 2012

    تبركلة عليك أختي غزال هاد خبز شحمة ديل zagoraa

أضف التعليق

مواضيع مختارة