كيك شوكولا لكل لمحبين لشوكولا

المقادير

2 بيضات
كاس زيت
كاس سنيدة
2 كيساً دقيق
2 خمارات 2 فاني
كاس لماء دافي
باكية كوبيل ونيدو صغير
ياغورت شكلات صغير

OM-ADAM

اضغطي هنا لمشاهدة الصفحة الخاصة بالعضوة ، والتعرف على مشاركاتها


6713 مشاهدة , منذ24 مارس 2013

معلومات عن الوصفة

  • وقت الاعداد

    10 MINMin
  • وقت الطهي

    30MIN Min
  • الوقت الإجمالي

    40 Min

الطريقة

مرحلة 1

هدو هما لمقديرلي خصنا دبى غادي نبداو في لأول نوجدو لمولينكس ديالنا تم نكبو فيها كوبيل +نيدو+ سنيدة +زيت +لماء ونخلطو مزيان حتى يتجنس لخليط

مرحلة 2

غادي نقصو من لخليط كاس وندره في تلاجة تم نرجعو لباقي نكملوه غادي نزيد عليه دقيق والبيض ولخمرات وفاني ونطحنو مزيان

مرحلة 3

من بعد ندهن لمول مزيان بزيت ونرشوه بدقيق ونكب فيه لخليط وندخله لفرن سخون ولا برد عندك لإختيار إلى بغيتها مفشفشة وعندك لوقت درها في فران برد إلى مكانش عندك لوقت درها في فران سخون ...

مرحلة 4

ههيا مني كتخرج من لفران كتجي غزالة دبى كيبقى لينا تزين...

مرحلة 5

غادي نجيبو لكاس ل في تلاجة وياغرت ديال شوكولا ...

مرحلة 6

ونخلطهم مزيان مع بعض نجيبو لكيك ديالنا ....

مرحلة 7

صافي ونسقيوها به كلها

مرحلة 8

أنا رشيت عليها لفيرمسل ملون ولكن كيجي معها كاوكاو مهرمش مزيان بصحة وراحة سمحو ليا إلى طولت عليكم ..

  1. أضيف بواسطة marii بتاريخ 26 مارس 2013

    يعطيك صحة

  2. أضيف بواسطة omfares بتاريخ 26 مارس 2013

    شكراً تبركله عليك

  3. أضيف بواسطة OM-ADAM بتاريخ 26 مارس 2013

    لله يبارك فيكم شكراً على التشجيع وش كلش واضح ؟؟ أنا رهن لإشارة

  4. أضيف بواسطة chaymaa بتاريخ 26 مارس 2013

    تبركالله أعليك هاد كيكة كيحمقوني هههههه

  5. أضيف بواسطة OM-ADAM بتاريخ 26 مارس 2013

    لله يبارك فيك أختي غير جربها رها غزالة ومتشبعش منها

  6. أضيف بواسطة Amoora بتاريخ 26 مارس 2013

    تبارك الله عليك

  7. أضيف بواسطة ام كرم بتاريخ 26 مارس 2013

    تبارك الله عليك لديدة

  8. أضيف بواسطة OM-ADAM بتاريخ 26 مارس 2013

    لله يبارك فيكم شكراً بزاف

  9. أضيف بواسطة momo_al بتاريخ 26 مارس 2013

    تبارك الله عليك دارت بحالها هنا أمعرفتش علاش محتوهاش في لمنتدى

  10. أضيف بواسطة Amoora بتاريخ 26 مارس 2013

    عافاك أختي باكية ديال كوبيل شحال فيها ديال غرام ونيدو واش كتعني بيه حليب غبرة وشحال فيه حتى هو ؟؟ وشكرا

  11. أضيف بواسطة OM-ADAM بتاريخ 26 مارس 2013

    نيدو هو حليب غبرة ديري شي 2 معالق كبار عامرين وكوبيل هو شكلات غبرة ولكن حلوو و لبكية فيها 100 غرام أي إستفسار أنا ديمة هنا

  12. أضيف بواسطة OM-ADAM بتاريخ 26 مارس 2013

    مومو وش نفس لمقادير نيت ؟؟؟

  13. أضيف بواسطة oum soukaina بتاريخ 30 مارس 2013

    تبارك الله عليك كيكة زوينة في المداق والمنظر

  14. أضيف بواسطة OM-ADAM بتاريخ 30 مارس 2013

    لله يحفضك أختي نعيمة ويزين أيامك

  15. أضيف بواسطة عصفورة مغربية بتاريخ 5 ابريل 2013

    تبارك الله عليك احبيبة جاتك لكيكة زوينة الله يعطيك صحيحتك

  16. أضيف بواسطة OM-ADAM بتاريخ 5 ابريل 2013

    شكراً ختي

  17. أضيف بواسطة saadni بتاريخ 20 مايو 2013

    تبارك الله عليك زوينة بزااااااااااااااااف وشكرا

أضف التعليق

مواضيع مختارة