تنطرب 4 بيضات مع كاس عنبة سنيدة وقبصة ملح ونكهة الشكلاط ممكن تعويضها بالفاني حتى يتضاعف حجم البيض ثم نص كأس زيت ونكمل الخلط ونزيد 2 معالق كاكاو و2 خمارات و 2 كيسان طحين او على حسب الخليط نخلط الكل

تندهن القالب بالزبدة ونرشه بالطحين نكب فيه الخليط وندخلوه لفرن ساخن من قبل على درجة 180 حتى يطيب ملي خرجت الكيك سقيتو بسيرو القهوة

ودوبت 100غ شكلاط وخليتو يدفى شوية طربت كأس قشدة طرية حتى طلعات شانتيي وبديت تنضيف ليها الشكلاط مع التطراب خاص الشكلاط مايكونش سخون ياش مايخسرش الكريمة. وتقولي عندنا موس الشكلاط سااااهل

ملي تنسقي الكيك ديك الحفرة لي تتبقى الوسط تنخوي فيها موس الشكلاط . وتنسخن كأس من القشدة الطرية وتنكبو فوق طريفات الشكلاط تقريبا 50غ وتنحركو حتى يدوب فيه وتنخليه يبرد من بعد تنكبو على سطح الكريمة في الوسط وزينت باللوز ايفيلي. التزيين حسب الرغبة بصحتكم