كيك الكوكوط روعة

المقادير

  • 3 بيضات
  • كاس سنيدة
  • كاس إلا ربع زيت
  • كاس حليب سائل
  • نصف علبة الكاكاو
  • 2 كيسان دقيق الفروص
  • 2 خمارات الحلوى
  • قشرة حامضة محكوكة(اختيارية)
  • للتزين:
  • ملعقة زبدة +قليل من الحليب سائل + شوكولا مربعات
  • رقائق اللوز محمرة
rodayna2012

اضغطي هنا لمشاهدة الصفحة الخاصة بالعضوة ، والتعرف على مشاركاتها


20721 مشاهدة , منذ13 ديسمبر 2011

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

مرحلة 1

في إناء نخفق بالطراب الكهربائي أو اليدوي البيض ، سنيدة تم نضيف الزيت ،الحليب ونستمر في الخفق. تم نضيف خليط الدقيق مع الكاكاو والخميرة وقشور الحامضة ونحرك جيدا حتى تتجانس جميع العناصر.

مرحلة 2

ناخد طنجرة الضغط ندهنها بالزبدة ونرش بقليل من الكاكاو ,نفرغ فيها العجين المحضر ونضعه فوق النار (مهيلة بزاف بلا صفارة ) حتى تعطي الريحة ديالها من بلاصت الصفارة.

مرحلة 3

للتزين: في كاسرول نضع الزبدة + الشوكولا + الحليب فوق النار ونحرك بملعقة خشبية حتى يذوب الكل ونحصل على الكلاصاج.

مرحلة 4

نزيل الكيك من طنجرة الضغط ونزينه بالكلاصاج المحضر ونرشها بقليل من رقائق اللوز

مرحلة 5

بالصحة والراحة نتمنى تعجبكم

  1. أضيف بواسطة yasmina بتاريخ 13 ديسمبر 2011

    كيكة غزالة وسهلة أختي الله يعطيك الصحة .بغيت نعرف حين كندرهة ف طنجرة كنسدو عليها ولا لا ..شكراً

  2. أضيف بواسطة حنين 2009 بتاريخ 13 ديسمبر 2011

    تبارك الله عليك كيكة غزالة

  3. أضيف بواسطة majada بتاريخ 13 ديسمبر 2011

    تبارك الله عليك اختي عتيقة كيكة زوينة وساهلة

  4. أضيف بواسطة chomicha بتاريخ 13 ديسمبر 2011

    تبركالله عليك أختي ولكن واش كتسدي عليها فطنجرة حيت قلتي بلا سفارة أنا عندي كوكوت فشكل لي لاصقة معها سفارة منقدرش نحيدهة

  5. أضيف بواسطة rodayna2012 بتاريخ 14 ديسمبر 2011

    السلام عليكم لهلا يخطيكم الأخوات كلكم حنين 2009,ماجدة ،ياسمينة، شميشة

  6. أضيف بواسطة rodayna2012 بتاريخ 14 ديسمبر 2011

    أما بالنسبة الأخت ياسمينة ملي نديرها فلككوط كنشدو عليها،الأخت شميشة ضروري منحيدلها الصفارة بش تخرج النفس منها حيت كنشدو عليها،أنا ديمة كندرها هكا وكتصدق زوينة متشبعيش منها وشكرا مرة أخرى ونتمنو تجربوها

  7. أضيف بواسطة مغربية بتاريخ 14 ديسمبر 2011

    عجباتني بزاف بغيت نديرها ليوم الكوتي واش كطيبيها على راس البوط صغير ولا متوسط ولا كبير انا عارف بلي العافية مهيلة ولكن هدشي ممكن احدث الفرق حيث جربت ديال طفال اتحرقات ليا مل تحت وخا العافية مهيلة ابقات خضرمن الفوق شكرا

  8. أضيف بواسطة rodayna2012 بتاريخ 14 ديسمبر 2011

    بالصحة والراحة مغربية أنا كندرها على راس البوطة المتوسط على عافية مهلة ملي تشملها الريحة فتحي عليها ودخل موس فيها إلى خرج نشاف راها طابت إلى كان لا ولي شادي عليها مكتهبطش هي،وملي تبغي ديرلها الكلاصاج تكيها بالفرشيط بش تشرب مزين

  9. أضيف بواسطة maryam بتاريخ 16 ديسمبر 2011

    مزيانة هاد الطريقة الجديدة الالة عتيقة ما شاء الله عليك ..و حتى الفكرة ديال نتقبو لكيكة باش تشرب مزيانة بزاف شكرا على النصيحة.

  10. أضيف بواسطة rodayna2012 بتاريخ 16 ديسمبر 2011

    لا شكرا على واجب مريم بالصحة والراحة

  11. أضيف بواسطة صفية بتاريخ 21 ديسمبر 2011

    الله اعطيك الصحة

  12. أضيف بواسطة rodayna2012 بتاريخ 21 ديسمبر 2011

    بالصحة والراحة

  13. أضيف بواسطة مغربية بتاريخ 29 ديسمبر 2011

    الله اعطيك الصحة جربتها اجاتني غزالة امتحرقاتش رائعة انا ستعملة بودرة الكاكاو امسقيتهاش زوقتها بالشكلاطاسود وابيض ورقائق اللوز اجات واعرة شكرا للافادة

  14. أضيف بواسطة rodayna2012 بتاريخ 29 ديسمبر 2011

    بالصحة والراحة أختي مغربية كتجي زوينة كما زينتها

  15. أضيف بواسطة مريامة بتاريخ 6 فبراير 2012

    تبارك الله علي الايدين الحلوة غودينة

  16. أضيف بواسطة intissar بتاريخ 7 فبراير 2012

    يعطيك صحة حتى أنا جربتها أو صدقت شكراً ختي بصح بلا حليب درتها

  17. أضيف بواسطة مريامة بتاريخ 9 فبراير 2012

    انا جربتها وجات زوينة بالزاف ولكن تحرقت ليا من تحت وخا البوطة مهيلة

  18. أضيف بواسطة rodayna2012 بتاريخ 9 فبراير 2012

    السلام عليكم أختي إنتصار شكرا بزاف من حيت جربت لكيك ونجحتلك،أما بالنسبة الاخت مريامة يمكن خالتها بزاف على البوطة، حتى ألاخوات جربوها ونجحتلهم مرة أخرى شكرا لكم.

  19. أضيف بواسطة intissar بتاريخ 9 فبراير 2012

    شكراً لك ختي rodayna2012

  20. أضيف بواسطة intissar بتاريخ 11 فبراير 2012

    وش كتعبري بكاس لعنبة ولا صغير

  21. أضيف بواسطة rodayna2012 بتاريخ 12 فبراير 2012

    السلام عليكم أختي إنتصار كاس العنبة.

  22. أضيف بواسطة ghazoula بتاريخ 20 يوليو 2013

    ملي حليت عليها هبطات من جيهة اللي طليت منها عليها و صراحة خرجاتلي معجنة شوية اشناهوا الحل و شكرا

أضف التعليق

مواضيع مختارة