كيكة لاتقاوم خطيرة

المقادير

  • مقادير الكيك
  • قشرة حامضة
  • 2 بيضات
  • 8 معالق سنيدة
  • 8 معالق زيت
  • 8 معالق حليب
  • 8 معالق طحين
  • خميرة حمراء
  • راس ملعقة كاكاو
  • ملح
  • مقادير الكريم البيضاء
  • كاس عنبة عامر حليب غبرة
  • 3 علب ياغورت مسوس
  • فاني
  • 3 معالق سنيدة
  • مقادير الكريمة السوداء
  • ملعقة صغيرة ونصف قهوة مدوبة
  • فربع لتر ماء
  • فلان شكلاط
  • و2 معالق سكر
oklat

اضغطي هنا لمشاهدة الصفحة الخاصة بالعضوة ، والتعرف على مشاركاتها


25377 مشاهدة , منذ10 اغسطس 2012

معلومات عن الوصفة

  • وقت الاعداد

    40Min
  • وقت الطهي

    15 Min
  • الوقت الإجمالي

    55 Min

الطريقة

مرحلة 1

نخلط كلشي في الخلاط الكهربائي ونصبها فالمول وندخلها الفرن من الاحسن ديروها في مول اصغر من هاد لي درت انا

مرحلة 2

هده مكونات الطبقة الاولى كنوضع المقادير في الخلاط ونطحنهم حتى ينساجمو

مرحلة 3

ونصبو فوق الطبقة الاولى ديال لكيك بعد ماتكون طابت وندخلو الفران شاعل من الفوق باش غير يجمد الخليط وميتحمرش كيبقى أبيض مدة 10 دقائق وكل شوي نقلبو بالصبع واش اجمد

مرحلة 4

اما الكريمة السوداء و هي الاخيرة نقوم بوضع المقادير فوق البوطة بعد مايغلى الخليط نخليه يبرد شوي ونكبو على الطبقة الثانية وندخلها الثلاجة تبرد مزيان ملاحظة فقط انا فاش كنت كنكب الكريمة السوداء كبيتها نيشان دفعة واحدة او هي ثقب ليا الكريمة البيضاء وننحبس وليت نهز بالملعقة ونكب الخليط غير من الفوق

مرحلة 5

على هذا الشكل ودخايها الثلاجة تبرد مزيان اعيد تبرد مزيان

مرحلة 6

وتقدم بالف صحة و عافية كتجي هائلة لي جربها اكيد عي عاوده ماهي مرة ماهي جوج بالصحةو الراحة

  1. أضيف بواسطة oum soukaina بتاريخ 10 اغسطس 2012

    كيكة لديدة انا عملتها بجوج طبقات كيكة وكريمة البيضة غير جربوها على ضمانتي

  2. أضيف بواسطة oklat بتاريخ 10 اغسطس 2012

    ربي خليك اختي ان سكينة فعلا كتجي زوينة بصحتك احبيبة

  3. أضيف بواسطة rodayna2012 بتاريخ 10 اغسطس 2012

    الألة غلبتنا هدو شهوات وعرين الله يعطيك الصحة،ناخد المقادير و نجربها بين لذيذة وراقية.

  4. أضيف بواسطة youssraa بتاريخ 10 اغسطس 2012

    شهيتنا فيها أخت اسما واحد السوال عفاك ديك لكريمة كتجي وقفة أبحال فلان ولا أبحال لا كريم باتيسير وشكراً أعوشر مباركة

  5. أضيف بواسطة oklat بتاريخ 11 اغسطس 2012

    شكر ليك اختي يسرى و عتيقة ربي خليكم كون كان عليا اختي يسرى نصايبها ونقدمها ليكم ذقوا فشي مجمع ان شاء الله اما السؤال ديالك كريمة البيضاء كتخلطيها مزيان في مولينكس مزيان وكتجي سائلة ماشي عاقدة بزاف غير طيب الكيكة كبيه فوقها بشوية ودخليها الفران وهي ديك كريمة كتشد راسها وكتخرجيها كذالك الكريمة السوداء كتبقاي تحركي فيها وهي على البوطة حتى تلقاي ان المكونات نساجموا وعقدات شوية دخليها الثلاجة شوية بيما طابت و تكبيه فوق الكريمة البيضة بشوية كيف شرت في الطريقة ودخليها الثلاجة و بصحة و الراحة

  6. أضيف بواسطة oussa بتاريخ 11 اغسطس 2012

    تبركالله على الحادجة ديالنا هاتشي بيان غزال أو لديد

  7. أضيف بواسطة oklat بتاريخ 11 اغسطس 2012

    ربي خليك اختي اوسة راه منكم نتعلم لهلا اخطيكم علينا

  8. أضيف بواسطة youssraa بتاريخ 11 اغسطس 2012

    شكراً

  9. أضيف بواسطة شوحليمة بتاريخ 12 اغسطس 2012

    تبارك الله عليك لالة اكلة فين كنتي مشحال هادي نتي ووصفاتك اوا برعينا وزيدي برعينا

  10. أضيف بواسطة ام كرم بتاريخ 14 اغسطس 2012

    مممممممممممممم باين لديدة الله اعطيك الصحة

  11. أضيف بواسطة meno بتاريخ 26 اغسطس 2012

    هادو هما الكيكات ولا بلاش ههه كيكة سهلة ف مقادير مافيها حتى صعوبة أشكل زوين او راقي المذاق راك نتي دواقة اتجبي لينا غي اللذيذ طبعا الله يخليك لينا يارب

  12. أضيف بواسطة oussa بتاريخ 12 سبتمبر 2012

    واو جات غزالة أو بناتي حماقوا عليها تبركالله عليك

  13. أضيف بواسطة oum ayman بتاريخ 12 سبتمبر 2012

    شهيتني فيها أختي أسماء غير نرجع لدار هاد لعشية نجربها تبارك لله عليك باينة بنييييييينة

  14. أضيف بواسطة oklat بتاريخ 12 سبتمبر 2012

    بصحتك وراحتك احبيبتي فوزية وبصحتك بناتك غير جربيها اختي ام ايمن وردي عليا الخبار بصحة ومسبقا

  15. أضيف بواسطة rodayna2012 بتاريخ 12 سبتمبر 2012

    حتى أنا جربتها راحة كتبرد فالتلاجة شوقتني نذقها،الله يعطيك الصحة اللة أسماء

  16. أضيف بواسطة oklat بتاريخ 12 سبتمبر 2012

    بصحتك وراحتك ازين توحشتك

  17. أضيف بواسطة rodayna2012 بتاريخ 14 سبتمبر 2012

    ماشاء الله عليك وخلاص وكن كان بيدي نعطيك لقب الطباخة المحترفة،فنا بمعنى الكلمة كلش حماق عليها تبارك الله عليك.

  18. أضيف بواسطة oklat بتاريخ 17 سبتمبر 2012

    ربي خليك احبيبة بصحة و الراحة وكل لي جربها تبارك الله عليكم

  19. أضيف بواسطة oussa بتاريخ 17 سبتمبر 2012

    اه أختي roudayna راها طباخة محترفة تبركالله عليك

  20. أضيف بواسطة meno بتاريخ 29 سبتمبر 2012

    رائعة رائعة رائعة قمة في الروعة هاد الكيكة ماقلتي خطيرة حتى فعلا خطيرة ، وليت تندرها بزاف أندرها ف الثلاجة أمرا مرة ندوز ناكلها ههه كلشي لي كلاها تتعجبوا أتقولو ليك الله يعطيك الصحة

  21. أضيف بواسطة oumaya بتاريخ 29 سبتمبر 2012

    الله اعطيك صحة شهيتني بهاد لكيك ليوم ندرو إنشالاه ولا كان ممكن أختي أكلات قدملنة وصفات دلحلوة وشكراً لكي

  22. أضيف بواسطة omo kanza بتاريخ 29 سبتمبر 2012

    تبركلة علييييك

  23. أضيف بواسطة نجاة بتاريخ 17 أكتوبر 2012

    الله يعطيك صحة زوين

  24. أضيف بواسطة sa naa بتاريخ 2 ديسمبر 2012

    ما شاء الله تبارك الله عليك يا اختي

  25. أضيف بواسطة مغربية بتاريخ 9 ديسمبر 2012

    تبارك الله عليك غد انجربها انرد عليك

  26. أضيف بواسطة مغربية بتاريخ 21 ديسمبر 2012

    جربتها جات غزالة تبارك الله عليك او سمحيلية على التاخر فالرد عليك او تبارك الله عليكم حلا رائعة

  27. أضيف بواسطة lina بتاريخ 10 ابريل 2013

    جربتها جات زوينة غير أنا زت دقيق.

  28. أضيف بواسطة malika mohammed بتاريخ 16 سبتمبر 2013

    waw

  29. أضيف بواسطة أم آية بتاريخ 7 ديسمبر 2013

    تبارك الله عليك باينة عليها واااعرة نجربها ونرد لخبار ان شاء الله

أضف التعليق

مواضيع مختارة