كيكة باردة

المقادير

  • هرنيس
  • الحليب
  • فلون فريز وفاني
  • نيسكافي
  • الزبدة
  • نيدو
  • كاوبيل
شوحليمة

اضغطي هنا لمشاهدة الصفحة الخاصة بالعضوة ، والتعرف على مشاركاتها


12058 مشاهدة , منذ16 مارس 2011

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

نأخد هرنيس ونطحنه حتى يصبح غبرة نضيف له ملعقة زبدة دائبة في قليل من الحليب حتى تجمع العجين ونضعه في اناء الفرن الزجاجي او حسب الموجود في المنزل . الطبقة الاولى : نأخد نصف لتر حليب نضعه في كصرونة نضيف له 2 معالق كبار سكر و 2 معالق كبار مايزينة و 1 فلان ديال الفريز ونضعه فوق البوطة حتى يعقاد غير شوية . الطبقة التانية:نأخد كاصرونة ونضع فيها كأس ماء +2 معالق زبدة +2 معالق كاوبيل +2 معالق نيدو + 2 معالق مايزينة +1 معلقة نسكافي نضع الكريمة فوق نار مهيلة حتى تعقاد . الطبقة التالتة: نفس مقادير الطبقة الاولى ماعدا بدل فلون الفريز درت فلون الفاني . نأخد الاناء ونصب الطبقة الاولى فوق هرنيس المطحون وندخلها التلاجة حتى تبرد جيدا تم نضع الطبقة التانية وندخلها التلاجة مرة اخرى تم الطبقة التالتة وندخلها مرة اخيرة للتلاجة ونزينها بالشكلاط محكوك او كوك حسب الرغبة ممكن اضافة الفواكه. ملاحضة: لا يجب تحضير الطبقات مرة واحدة الا بعد ادخال كل طبقة على حدة للتلاجة لكي تبرد حتى لا تعقاد الطبقات الاخرى .

  1. أضيف بواسطة حنين 2009 بتاريخ 16 مارس 2011

    تبارك الله على لالة الحادكة هدا هو اللي كنت نقلب عليه

  2. أضيف بواسطة majada بتاريخ 16 مارس 2011

    تبارك الله عليك حلومة

  3. أضيف بواسطة bich بتاريخ 16 مارس 2011

    هادشي غزال تبارك الله على حلومة

  4. أضيف بواسطة siham بتاريخ 16 مارس 2011

    تبارك الله عليك حلومة دائما في المستوى

  5. أضيف بواسطة شوحليمة بتاريخ 16 مارس 2011

    الله يبارك فيكم الغزالات لهلا يخطيكم عليا راكم ديمة كتشجعوني الله يخليكم ليا

  6. أضيف بواسطة zuba بتاريخ 16 مارس 2011

    للا ويللا تبركالله عليك كيك غزالة لا فران لاتمر مزيد من التألق طيوبا

  7. أضيف بواسطة شوحليمة بتاريخ 16 مارس 2011

    ربي يخليك زوبا اوا جربيها وردي عليا لخبار

  8. أضيف بواسطة mouna2020 بتاريخ 16 مارس 2011

    تبارك الله عليك كيكة رائعة غدية نجربها

  9. أضيف بواسطة شوحليمة بتاريخ 17 مارس 2011

    الله يبارك فيك اختيmouna2020 غير ديريها وردي عليا الخبار ومرحبا بيك في اكلة

  10. أضيف بواسطة malak2008 بتاريخ 17 مارس 2011

    تبارك الله عليك أختي شو حليمة كيكة خفيفة على المعدة فحال مولاتها خفيفة على القلب

  11. أضيف بواسطة شوحليمة بتاريخ 17 مارس 2011

    الله يبارك فيك اختي ملوكة والله يفكك على خير

  12. أضيف بواسطة fatina بتاريخ 16 مايو 2011

    وش ممكن نعوض نشا بدقيق

  13. أضيف بواسطة fatina بتاريخ 16 مايو 2011

    وش ممكن نعوض نشا بدقيق

  14. أضيف بواسطة شوحليمة بتاريخ 16 مايو 2011

    اه اختي فاتينة ممكن تعوضي النشا بالدقيق (فورص)

  15. أضيف بواسطة fatina بتاريخ 18 مايو 2011

    شكراً بزاف اختي حليمة تبارك الله عليك

  16. أضيف بواسطة najlae بتاريخ 22 مايو 2011

    ختي شنو هو لهرنس

  17. أضيف بواسطة freemoma بتاريخ 3 يناير 2013

    اختي واش ممكن نعوض فلون بالكاستر

أضف التعليق

مواضيع مختارة