كيكة باربي بالمكروند

المقادير

 

 

  • 2 بيضات
  • كأس سكر
  • كأس حليب
  • نصف كأس زيت أو زبدة ذائبة
  • 4 ملاعق كبار بودرة الكاكاو
  • 15 ملاعق كبار دقيق
  • قشرة نصف حامضة محكوكة
  • خمارة
  • فاني

 

 

أم العفاسي الصغير

اضغطي هنا لمشاهدة الصفحة الخاصة بالعضوة ، والتعرف على مشاركاتها


8486 مشاهدة , منذ14 يناير 2013

معلومات عن الوصفة

  • وقت الاعداد

    10Min
  • وقت الطهي

    10 Min
  • الوقت الإجمالي

    20 Min

الطريقة

انخلطو الكل في الخلاط الكهربائي

من بعد نفرغو الكيك في مول مدهون واندخلوه الميكروند لمدة 10 دقائق على 750

  1. أضيف بواسطة OM-ADAM بتاريخ 15 يناير 2013

    أم عفاسي شرح لينا كتر وباربي كنديرو لها ؟؟؟؟؟؟؟؟؟؟؟؟؟؟؟؟

  2. أضيف بواسطة chaymaa بتاريخ 15 يناير 2013

    أختي مفهمتش كيفاش درتلهة. وش باربي ديال بلاستيك ولا درتيها نتية فهمينة عفاك

  3. أضيف بواسطة oum soukaina بتاريخ 15 يناير 2013

    الجهة التحتية هي الكيك ولكن الكريمة اي نوع هي وضحي اكثر

  4. أضيف بواسطة ام كرم بتاريخ 15 يناير 2013

    سلام حتى انا مفهمتش وش باربي كيك عد زينتها ولا بلاستيك ازينتها

  5. أضيف بواسطة ام كرم بتاريخ 15 يناير 2013

    الى لاحضتوا البنات عادة لكيك كيتقدم في طبسيل اوووو هد باربي بارزة فوق سريراولا....؟

  6. أضيف بواسطة chaymaa بتاريخ 16 يناير 2013

    والله إلى أنا أعيت منشوف امنين كتبدي ولكن ولو ههههة

  7. أضيف بواسطة chaymaa بتاريخ 16 يناير 2013

    بش أنفهمو خصنا فيديو هههة

  8. أضيف بواسطة أم العفاسي الصغير بتاريخ 17 يناير 2013

    اخواتي ها انا جيت باش نشرح ليكم اولا انا قلت ليكم ان الكيكة درتها في الميكروند وذلك لسبب هو انني طيبت الكيكة في جبانة ديال الزاج وراكم كتعرفوا الجبانة كتكون رقيقة من التحت وعريضة من الفوق بعني لما طابت الكيكة وقلبتها حصلت على ديك الفورمة وعاد درت شوية ديال خليط الكيك في زليفة وطيبتها حتى هي في الميكروند ومني دابت درتها فوق الاخرى لي طايبة فالجبانة باش عطاتني الارتفاع المطلوب كنتمنى نكون وضحت الصورة الاولى وثانيا باربي راها مونيكة حيدت ليها رجليها وتقبتها بالسفود مسخن وفديك الثقبة درت العود ديال الشوا ديال الخشب عرفتوه ياك؟ وتبتوا في وسط الكيكة وبالنسبة للكريمة هاديك لاكريم شونتي درتها في جيب الحلواني وزوقت بيها وداك البودي لي لابسة المونيكا معدل بعجينة السكر حتى هو كيتكال كنتمنى نكون جاوبت على كل تساؤلاتكن والا باقي شي غموض انا تحت امركن

  9. أضيف بواسطة OM-ADAM بتاريخ 17 يناير 2013

    تبركالله عليك أم عفاسي عندك كع هاد الخاطر بش ديري هاد شي كلو واااااو شابو ليك

  10. أضيف بواسطة أم العفاسي الصغير بتاريخ 18 يناير 2013

    ههههههههههه ضروري يا ام ادم _السمية العزيزة_ايوا لي بغا نونو الخبار فراسك

  11. أضيف بواسطة chaymaa بتاريخ 18 يناير 2013

    شكراً بزاف تبركالله أعليك

  12. أضيف بواسطة OM-ADAM بتاريخ 19 يناير 2013

    أم عفاسي كيفاش سمية لعزيزة وش عندك شي آدم حتى نت

  13. أضيف بواسطة أم العفاسي الصغير بتاريخ 21 يناير 2013

    اه اختي ام ادم العفاسي الصغير هو ابني ادم ههههههههههههههه لقبه هكدا لانه كيمووووووووووت فالعفاسي

  14. أضيف بواسطة saadni بتاريخ 20 مايو 2013

    جربتها ولكن ممقداش تهلكات ولكن زوينة بزاف هي اجمل واروع كيكة في العالم

أضف التعليق

مواضيع مختارة