كيش بالدجاج
المقادير
أولا : العجين
نصف كيلو دقيق – ربع كيلو زبدة ماركرين - ملح - مح بيضة - الماء لخلط العجين - أو اشتري التورتات الجاهزة الفارغة
ثانيا : الحشوة
نصف كيلو صدر الدجاج - قزبور و معدنوس مقطع رقيق - نصف فلفلة حمراء - نصف فلفلة صفراء - فلفلة خضراء - بصلة صغيرة مشلضة - عصير الحامض -100 غرام فرماج محكوك
التوابل : ملح - إبزار - شوي من الحرور - نصف كأس زيت المائدة - 2 ضروس ثوم – ملعقة زبدة
الصلصة : صلصة البيشاميل
اضغطي هنا لمشاهدة الصفحة الخاصة بالعضوة ، والتعرف على مشاركاتها
معلومات عن الوصفة
-
وقت الاعداد
15 دقيقةMin -
وقت الطهي
30 دقيقة Min -
الوقت الإجمالي
45 Min
الطريقة
خلطي مقادير العجين و اتركيه يرتاح. من بعد, سرحيه بالمدلك و قطعيه دوائر. ضعي هذه الدوائر في قوالب التورتات مذهونة و مرشوشة بالدقيق. ثقبيها بالفورشيت ثم دخليها للفران معتدل الحرارة
صلقي الدجاج مع الملح و الأبزار و الثوم. و لما يبرد , فرتتيه و قطعيه رقيق ثم شحريه في المقلة مع شوي من الزبدة و عصير الحامض و اتركيه جانبا
في مقلاة أخرى , شحري البصلة حتى تنزل و زيدي عليها الفلافل كلها مقطعة صغيرة و حركيها حتى يطيب الكل. زيدي عليهم الدجاج و شوي من الحرور و التوابل و الفرماج و المعدنوس
في الأخير, عمري التورتات بالحشوة و سقيهم من الفوق بصلصة البيشاميل و دردري عليهم الفرماج ثم دخليهم للفران مدة وجيزة
أضيف بواسطة chomicha بتاريخ 28 يونيو 2013
تبارك الله عليك كيشهيو
أضيف بواسطة chomicha بتاريخ 28 يونيو 2013
تبارك الله عليك كيشهيو
أضيف بواسطة ام سعيد بتاريخ 28 يونيو 2013
تبارك الله عليك اختي
أضيف بواسطة marii. بتاريخ 29 يونيو 2013
تبركالله عليك أختي هدشي زوين
أضيف بواسطة marii. بتاريخ 29 يونيو 2013
تبركالله عليك أختي هدشي زوين
أضيف بواسطة marii. بتاريخ 29 يونيو 2013
تبركالله عليك أختي هدشي زوين
أضيف بواسطة chaymaa بتاريخ 29 يونيو 2013
تبركالله أعليك
أضيف بواسطة ibtisam_5@live.be بتاريخ 30 يونيو 2013
تبركلة \"علك غزالين
أضيف بواسطة ام ياسمين بتاريخ 30 يونيو 2013
ان غادي نشريهم جاهزين ياك مزيانين واش مان دهنهم بوالو قبل ماندير حشوة واش داروري بيشاميل الى ممكن وصفة ديالوحقاش مكاي صدقش ليا وشحال مدة ديال فران وسمحيلي بزاف تبركالله عليك
أضيف بواسطة om salima بتاريخ 30 يونيو 2013
تبارك عليك كيشهيو انا كنديرهم بكفت مممممممممممممم
أضيف بواسطة ام كرم بتاريخ 2 يوليو 2013
تبارك الله عليك
أضيف بواسطة 147896325 بتاريخ 7 يوليو 2013
الله يبارك فيكم
أضيف بواسطة 147896325 بتاريخ 10 يوليو 2013
شوفي اختي أم ياسمين إيه ضروري صلصة لبيشامل وراه مكتوب لفوق لعجين و طريقتها و أما الطياب حتى تشوفي لكيش تحمر و مسموح