تنرمل الطحين مغربل بالزبدة تتخدم في بالأصابع وتندوزها بين يدي بحال الكسكس حتى تدخل الزبدة مزيان في الطحين تنزيد الملح والزعتر وتنجمع الخليط ببيضة مطربة إلى ماتجمعش نزيد 2 ملاعق ماء .

ومانعجنوش غي نجمع العحين بالأصابع نديرو في بلاستيك غذائي وندخلو للثلاجة ربع ساعة ونخرجو نرش سطح العمل بالطحين ونطلقو بالدلاك نخليوها شوية غليضة ماشي رقيييقة بزاف لانها دغيا تتهرس ونحطو في القالب نقاد الجوانب مزيان مانخليش الهواء بين العجين والقالب ونتقبو بالفرشيط من جميع الجوانب لتفادي انتفاخه

ندخلو للفرن سخون من قبل وشاعل من الأسفل والأعلى على درجة 180 لمدة 10 دقايق

لافة من البوارو مقطع رقيق شحرتو في مقلاة مع 2 ملاعق زيت بلدية حتى قرب يذبال زدت عليه زلافة كبيرة من السبانخ مقطع وحركتهم حتى ذبالو زدت ملح ابزار في هاد المرحلة ممكن تضيفو اما صدر دجاج او بيبي مقطع رقيق ومشحر او الطون مصفى من الزيت انا اكتفيت بالخضر فقط .

خلطت في زلافة 2 بيضات مع كاس عنبة عامر بالقشطة الطرية الخاصة بالطهي و50غ جبن محكوك شوية ملح ابزار حكيت شوية من الكوزة او جوز الطيب وشوية زعتر. ملي نخرج العجين من الفرن تنفرغ وسطو الحشوة ونكب عليها الكريمة ونرش السطح بالجبن ونعيد إدخالها الفرن لتكمل الطهو مدة 25 دقيقة

وبالف صحة