كلاص ساهل

المقادير

  • المقادير بكية غبرة كريم شانتيي
  • حك ديال نيسلي
  • كاس دانون فاني (من الاحسن يكون كريمي)
  • نصف لتر حليب يكون بارد مزيان قريب يجمد
  • التزين
  • ملعقة صغيرة نيسكافي مذوبة في ملعقة حليب او ماء
  • شكلاط غبرة
  • لوز و بيسطاش محمرين و مهرمشين
daian

اضغطي هنا لمشاهدة الصفحة الخاصة بالعضوة ، والتعرف على مشاركاتها


14872 مشاهدة , منذ6 يوليو 2011

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

نديرو الحليب بارد مع غبرة شانتيي و نطربو مزيان بالباطور حتى يعقد الخليط مزيان (عشرة دقائق او اكثر حسب برودة الجو) منين كتطلع لاكريم كنبداو نزيدو نيسلي مع التطراب والخليط كيزيد يطلع و يعقد ثم كنزيدو دانون ملعقة ملعقة مع التطراب من بعد كنقسموه على ثلاثة واحد كنزيدو ليه نيسكافي و كنخلطو مزيان بالباطور حتى ينسجم الخليط و واحد كيبقى عادي و واحد كنزيدو ليه شكلاط غبرة حسب اللون اللي بغينا وكنديرو الطبقة الاولى فالمول ديال القراصة و نسرحوها وكنديرو فوقها لوز مهرمش وبيسطاش ونديرو طبقة طبقة بيضاء و نديرو اللوز ثم طبقة الشكلاط و نزين الفوق حسب الرغبة اما بفيرميسال شكلاط او ملونة او شكلاط محكوك منين كنساليو الطبقات كنغطيو الكلاص بورق المنيوم وندخلوه للمجمد من الاحسن نديروه من الليل للصباح ثم يقطع حسب الرغبة ويقدم بالنسبة للوز والبيسطاش يمكن نستغناو عليهم و كيجي زوين بلا بيهم و نصيحة باش يطلع الكلاص مزيان الا كان الجو سخون خاص الحليب يكون بارد مزيان (انا شي مرات كيكون عندي جامد وكنديرو فالاناء اللي غدي نطرب فيه حتى يتطلق) وحتى نيسلي و دانون يكونو فالثلاجة من قبل

  1. أضيف بواسطة chomicha بتاريخ 6 يوليو 2011

    تبركالله عليك أختي الوصفة زوينة و سهلة رنا محتاجين لها فهاد صيف ههههه

  2. أضيف بواسطة majada بتاريخ 6 يوليو 2011

    تبارك الله عليك ديان راه عجبني هاد كلاص غير نتغدي غادة نجرب ونرد عليك الخبار كيف جاني

  3. أضيف بواسطة karimaa بتاريخ 6 يوليو 2011

    تبركالله عليك ختي dian بنت بلادي

  4. أضيف بواسطة assoum بتاريخ 6 يوليو 2011

    يعطيك الصحة اخت دايان هذا كلاص في la classe.

  5. أضيف بواسطة daian بتاريخ 7 يوليو 2011

    شكرا الحبيبات الله اعطيكم الصحة

  6. أضيف بواسطة daian بتاريخ 7 يوليو 2011

    شكرا الحبيبات الله اعطيكم الصحة

  7. أضيف بواسطة siham بتاريخ 7 يوليو 2011

    تبارك الله على الحادكة ديالنا

  8. أضيف بواسطة zuba بتاريخ 10 يوليو 2011

    تبارك الله على المشتهدة ديالنا مزيد من التألق عزيزتي

  9. أضيف بواسطة mina belle بتاريخ 17 يوليو 2011

    يعطيك صحة اختى

  10. أضيف بواسطة SAMARA بتاريخ 27 يوليو 2011

    الله يعطيك الصحة وتبارك الله عليك هذا هو وقتو مع هاد الحرارة ....

  11. أضيف بواسطة أم حفصة بتاريخ 3 اغسطس 2011

    تبارك الله عليك اختي ديان جربتوا جا رائع شكرا جزيلا حبيبتي

أضف التعليق

مواضيع مختارة