كسكس باللحم والخضر بالتفاصيل والصور للمبتدئات

المقادير

الكسكس
الخضر
البصلة
مطيشة
القرع الأحمر والاخضر
اللفت الأبيض والأصفر
الجزر
الفول والحمص
الملفوف
ربطة القزبر والمعدنوس
الزيت- سكنجبير - ابزار - الخرقوم البلدي والرومي – الملح - 2ضامة البنة

meno

اضغطي هنا لمشاهدة الصفحة الخاصة بالعضوة ، والتعرف على مشاركاتها


18498 مشاهدة , منذ8 يونيو 2013

معلومات عن الوصفة

  • وقت الاعداد

    2 سMin
  • وقت الطهي

    30 1س Min
  • الوقت الإجمالي

    32 Min

الطريقة

مرحلة 1

نقلي اللحم مع الزيت ونزيدو عليه البصل مقطع رقيق والعطرية وعاد نزيد كذالك الحمص والماء يكون كثير باش نطيبو اللحم والخضر كاملة نسدو البرمة ونخليوه يغلي بينما وجدنا الكسكس

مرحلة 2

 تنحطوالكسكس في القصعة ونرشو بالماء، أنا درت كاس كبير ف كيلو ونص كسكس

مخسناش نكثرو لكسكس الما بزاف فهاد التفوير الأولى حيت غادي يتعجن لمهم غي لقياس وصافي ونحلوه بيدينا ونديروه فوق البرمة

مرحلة 3

ملي تنشوفو البخار تطلع مع الكسكس بزاف من كل جهة تنعرفوه تفور ، هنا تفور التفويرة الأولى

مرحلة 4

تنكب عليه كاس كبير ديل الماء المهم على حساب الكمية ديال الكسكس ديالك فهاد المرحلة خصك تكتري الماء شوية وتخليه يشرب

مرحلة 5

تنكونو وجدنا الخضرة لي تتشد الطياب بحال خيزو والمكور واللفت ونديروها في البرمة ونسدو عليها

مرحلة 6

ونردو الكسكس في الكسكاس يفور للتفويرة الثانية حتى يبان لينا البخار كثير تخرج معاه

مرحلة 7

ملي نحيدو الكسكس في المرة الثانية ندير الخضر لي بقات لتطيب دغية بحال القرعة بانواعها وربطة القزبر والمعدنوس وضامة البنة ونسدو على البرمة طيب إلا بان لك الماء قليل زيديه ، من الأحسن يكون قياس الماء كثير من لول

مرحلة 8

هادي آخر تفويرة ، هنا أنرشوه بالملح والزيت وحتى السمن إلا بيتي وكبي عليه الماء الماء مزيان باش مايبقاش حرش ويكثار أخليه يشرب ، عاد رديه فوق البرمة يتفور التفوير الأخيرة

مرحلة 9

ملي تخرج معاه البخار بزاف يعني تفور غادي تحتيه في القصعة وغطيه باش يبقا سخون حتى تبغي تسقيه عاد قاديه

مرحلة 10

نتمنى نكون وضحت الطريقة مزيان للمبتدئات ، حيت تا أنا قبل منتعلم كسكس كنت تنتمنى نلقى شي طريقة مشروحة مزيان ومالقيتاهش، بألف صحة وعافية حبيباتي

  1. أضيف بواسطة omfares بتاريخ 10 يونيو 2013

    شكرن أختي كسكس كيشهي لله اعطيك صحة

  2. أضيف بواسطة chaymaa بتاريخ 10 يونيو 2013

    تبركالله أعليك كيشهي أنا نبدا ناكل بسم الله هههههه

  3. أضيف بواسطة om jana بتاريخ 10 يونيو 2013

    سلام شكرن بزاف أختي.تبركله عليك

  4. أضيف بواسطة nora1 بتاريخ 10 يونيو 2013

    تبرك الله على هدك اليدين هدك هو كسكسو ويل فلا

  5. أضيف بواسطة marii. بتاريخ 11 يونيو 2013

    تبركالله عليك حبيبتي منار كيشهي لمزيد من تألق

  6. أضيف بواسطة marii. بتاريخ 11 يونيو 2013

    تبركالله عليك حبيبتي منار كيشهي لمزيد من تألق

  7. أضيف بواسطة zanouba yasser بتاريخ 11 يونيو 2013

    تبركالله عليك منار كسكس وشمن كسكس الله يعطيك صحة

  8. أضيف بواسطة momo yassine بتاريخ 12 يونيو 2013

    بصحة أختي كسكسو كيشهي

  9. أضيف بواسطة meno بتاريخ 12 يونيو 2013

    الله يعطيكم الصحة البنات شكراً بزاف

  10. أضيف بواسطة oussa بتاريخ 14 يونيو 2013

    إو ياللا قسرية هي هديك ما عندي منقول

  11. أضيف بواسطة meno بتاريخ 14 يونيو 2013

    لهلا يخطيك ختي فوزية

أضف التعليق

مواضيع مختارة