كسكس بالحمص والتفاية( تحت الطلب )

المقادير

اللحم
كسكس
الحمص يكون مرطب ليلة كاملة في الماء
البصل
زيت الزيتون والزيت الرومية
الملح و الابزار و الخرقوم و القليل من سكنجبير
وربطة قزبر و معدنوس و طماطم مقشرة و مقطعة بدون بذر
مقادير التفاية :
البصل على حسب الكمية لي اديري
الزبيب
زيت ملح ابزار شوية خرقوم أعواد قرفة
السكر و القرفة

meno

اضغطي هنا لمشاهدة الصفحة الخاصة بالعضوة ، والتعرف على مشاركاتها


14158 مشاهدة , منذ13 ابريل 2013

معلومات عن الوصفة

  • وقت الاعداد

    2 سMin
  • وقت الطهي

    1 س Min
  • الوقت الإجمالي

    3 Min

الطريقة

أول شيء نضع اللحم في البرمة و نضيف له البصل مقطع شنايف و الملح و الابزار و الخرقوم و القليل من سكنجبير و زيت الزيتون و الزيت عادية و نخليوه يتقلى شوية من بعد زيدي ليه الحمص والماء وغطي البرمة باش يطيب اللحم شوية
نأخذ الكسكس ونرشه بشوية زيت و نمزجه بأيدينا مزيان ثم نرشه بشوية ماء و نمزج ثم نتركه يتشرب الماء،يمكن لك تزيدي الخضر
نضع الكسكس في الكسكاس و ديريه فوق البرمة حتى يتفور جيدا حتى يبدا يخرج منو البخار مزيان أختي marii
نزيل الكسكس للمرة الثانية و نضعه في قصرية و نحركه بأيدينا قليلا ثم نرشه بشوية ماء و نتركه يتشرب ونرجعه لكسكاس حتى يتفور مزيان
نزيل الكسكس مرة أخرى و نرشه بشويه ملح و هو ساخن ثم نحركه و نرش الماء وثم نتركه يتشرب ونرجعه للكسكاس
بالنسبة للتفاية:
نقطع البصل شنايف و نضيف له زيت و ملح و ابزار و شوية خرقوم و أعواد قرفة و شويه ماء ثم نغطي الطنجرة و نترك البصل يطهى.في هاد الوقت نضع شويه زبيب في ماء ليترطب.
بعد طهى البصل نصفيه من الماء نضيف له الزبيب و السكر و القرفة و نترك الكل يتعسل.
نضع الكسكس في صحن التقديم ثم نبلله بشويه مرق ونصفف اللحم والخضر إذا درتيهم والتفاية.
نتمنى نكون وضحت لك حبيبتي marii أي إستفسار ماكين تا مشكل وبالصحة والراحة

  1. أضيف بواسطة chaymaa بتاريخ 19 ابريل 2013

    تبركالله أعليك أختي

  2. أضيف بواسطة momo yassine بتاريخ 19 ابريل 2013

    أنا كيحقمني كسكسو بتفاية عطاك الله صحة

  3. أضيف بواسطة marii. بتاريخ 19 ابريل 2013

    شكراً حبيبتي منار كولشي واضح تبركالله عليك غادي نجربو إنشاء لله

  4. أضيف بواسطة om salima بتاريخ 19 ابريل 2013

    تبركالله عليك ممممممممم

  5. أضيف بواسطة chomicha بتاريخ 19 ابريل 2013

    تبارك الله عليك أختي

  6. أضيف بواسطة meno بتاريخ 19 ابريل 2013

    بارك الله فيكم اخواتي

  7. أضيف بواسطة OM-ADAM بتاريخ 19 ابريل 2013

    تبركالله عليك اى منار

  8. أضيف بواسطة OM-ADAM بتاريخ 19 ابريل 2013

    تبركالله عليك اى منار

  9. أضيف بواسطة zanouba yasser بتاريخ 20 ابريل 2013

    تبركالله عليك منار

  10. أضيف بواسطة meno بتاريخ 20 ابريل 2013

    شكراً لكن حبيباتي

  11. أضيف بواسطة Amoora بتاريخ 20 ابريل 2013

    كنموت على كسكس بتفاية لكن بدجاج هههه تبارك الله عليك

أضف التعليق

مواضيع مختارة