نحتاج الكمية لي غادي تكفينا من المكرونة نصلقها في ماء مملح مع شوية زيت بلدية ونصفيها تناخذ بصيلة نقطعها قطع صغيرة ونشحرها فشوية زيت وناخذ خيزو(جزر) نحكو في الحكاكة الرقيقة ونزيدها تشحر مع البصلة ونزيد القرع الاخضر محكوك وشوية القزبر والمعدنوس مع التوابل ونضيف الكفتة ونحرك فيها مزيان حتى طيب ونضيف 2ملاعق كبار صلصة الطماطم ونحرك الكل

نوجد صلصة البيشاميل نذوب2 ملاعق الزبدة في كاسرول نضيف 2 ملاعق دقيق ونحرك ثم نضيف نصف لتر حليب ونبقا نحرك حتى تختار ونضيف الملح والابزار

دبا نحط نصف كمية المكرونة في صحن الفرن ونزيد الحشوة ونصب صلصة البيشاميل ونعاود نضيف المكرونة ونصب الصلصة كاملة ونرش بالفرماج الاحمر وندخلها للفرن تتحمر فقط. وبالصحة والراحة