سلام عليكم كيف ماعودتكم نقدم ليكم وصفاتي الشخصية و هذا فقاص سريعة و كيجي زوين كما هو مبين في الصورة في قصرية نضع السنيدة مع البيض و فاني وندلكها مع بعض جيدااااا

نضيف الزيت و نخلط الكل جيداااا

بعدها نضيف الزنجلان مع النافع و نبداو نزيدوا الدقيق شوية بشوية و كنضيفوا الخمارات

منين اتجمع الخليط ماش تكون قاصحة رطبة نشكلوها عصيات انا هاد الكمية درت منها اربع عصيات دهنتهم و زوقتهم بالشوكة وندخلوهم الفران نصف طيبة غير اشدوا راسهم نديوروهم الفوق حتى اتنفخ و اشد راسوا نزلوه التحت شوية

هذا هو الشكل ديالو منين كيطيب اتنفخ ميتحمرش

مباشرة من اخراجه من الفران ديبي شي منديل نقي و فزكيه بالماء و عصريه مهم ابقا فازغ بائ اشرب السخونية و منين نقطعوه ميتفرتتش

نقطعووه الفقاص ديالنا على هذا الشكل

واكيبوا من كلتى الجهتين بالف صحة و عافية كنتمنى انني منطولش عليكم وشكرا