طريقة لتحضير السمن الحار

المقادير

1كلج زبدة بلدية جيدة
زلافة ملح غليضة او نفس المقدار ملحة حية وهدا افضل بكثير
قبطة زعتر طري واخرى زعيترة الى كانت متوفرة والى مكانتش نديرو غير الزعتر
الطري يستبدل بزلافة يابس
لتر ونصف ماء مغلي

idarat

اضغطي هنا لمشاهدة الصفحة الخاصة بالعضوة ، والتعرف على مشاركاتها


مشاهدة , منذ13 يونيو 2014

معلومات عن الوصفة

  • وقت الاعداد

    7JMin
  • وقت الطهي

    0 Min
  • الوقت الإجمالي

    7 Min

الطريقة

كنقيو الزعتر ونغسلوه ونشفوه ونديروه في اناء ونزيدو عليه الملح و الماء المغلي ونغطيوه ونخليوه يبرد مزيان

منين يبرد الزعتر كنصفيوه غير بشوية باش ميتخلطش بالرواسب
كنغسلو الزبدة مزيان بالماء حتى يتحيد اللبن لي فيها
من بعد كنخويو عليها كاس من ماء الزعتر لي فايت صوبناه ونخدموها مزيان ونحيدوه ونعادو نفس العملية حتى نساليو نصف كمية المحلول

من بعد كنصبو نصف المحلول المتبقي على السمن ونغطيوه مزيان ببلاستيك غذائي ثم بمنديل باش ميدخلش ليه الضوء ونخليوه يخمر 7ايام

منين يخمر السمن نصفيوه من الماء وناخدو سوبيرة ونشلوها بالماء ديال الزعتر
من بعد نديرو معلقة كبيرة ديال الماء ديال الزعتر

ونصفيو السمن ونديروه في السوبيرة ونديرو معاه وراق الزعتر
ونغطيو السمن ونحطوه في مكان مظلم لمدة لا تقل عن 40 يوم وكل ما بقى مدة طويلة كل ما كان حار

يمكن ليكم تزيدو
ورقة سيدنا موسى وعود سكين جبير يابس وازير بلدي ونجمة باديان وشوية الزعفران الحر هاد المقادير كنخلطوها مع الزعتر والماء طايب ونفس الطريقة
هاهو السمن الحار المغربي واجد

  1. أضيف بواسطة ام كرم بتاريخ 13 يونيو 2014

    شكرا بزاف اﻻخت اسماء

أضف التعليق

مواضيع مختارة