شباكية اكلة رقم واحد

المقادير

نصف كيلو من الدقيق الابيض
125g من دقيق القمح
ربع ملعقة كبيرة من الملح
125g من الزنجلان محمر و مطحون مزيان
6 ملاعق كبيرة من الزبدة ذائبة
10 ملاعق كبيرة من الزيت
8 ملاعق كبيرة من ماء الزهر
ملعقة صغيرة من النافع
ملعقة صغيرة من القرفة
نصف ملعقة صغيرة من الخميرة الحلوى
نصف ملعقة صغيرة من الزعفران الحر
اصفر بيضة
قوقعة بيضة مملوئة بالخل
كاس كبير من الماء زيت للقلي
كيلو من العسل
لتزين
زنجلان منقي و محمر

idarat

اضغطي هنا لمشاهدة الصفحة الخاصة بالعضوة ، والتعرف على مشاركاتها


مشاهدة , منذ24 يونيو 2014

معلومات عن الوصفة

  • وقت الاعداد

    60Min
  • وقت الطهي

    45 Min
  • الوقت الإجمالي

    105 Min

الطريقة

مرحلة 1

بسم الله على بركة الله نبداو هذه صورة للمقادير انا عبرتهم و درتهم في زلايف باش نصورهم

مرحلة 2

في كصعة نضع كل المكونات مع بعض

مرحلة 3

ونخلطوا كلشي مزيان غير نحاولوا نجمعو العجينة بحدها من بعد نضيف الماء تدريجيا وانا كندير في الماء ملون ونعجن بيه خاص العجينة تجي قاصحة و تعطيها الدليك مزيان بالكف حتى ترطاب دلك يامتدلك هههه

مرحلة 4

نشكلوهم كويرات كيف ماكتشاهدوا

مرحلة 5

ونغطيوهم ببلاستيك غذائي ونخليوهم ارتاحوا

مرحلة 6

ناخذوا كرة ونسرحوها بالمدلك وقدما سرحتيها و جات رقيقة احسن

مرحلة 7

نقطعوا العجين الى مستطيل و نبداو في كل مربع نديروا اربع اشرطة بجرارة

مرحلة 8

وهذه صورة عن قرب توضح لكم عدد الخطوط لي كندير

مرحلة 9

وصلنا سيداتي مرحلة لي كتجي صعيبة العديد من السيدات و هي التشباك

مرحلة 10

طريقة التشباك ديالي هي كتشدي الشريط الاول وثالت والخامس مرفوعين الى الاعلى و الاشرطة لي بقاو كنشدهم بوحدهم وكلويهم

مرحلة 11

نستمر في نفس العملية حتى كنسليو كل العجين

مرحلة 12

ونمروا مرحلة القلي و نطفيوها في العسل وتزين بالزنجلان وتقدم بالف صحة و عافية ورمضان كريم

  1. أضيف بواسطة ام كرم بتاريخ 24 يونيو 2014

    تبارك الله عليك شباكية لديدة ورمضان كريم

  2. أضيف بواسطة omfares بتاريخ 24 يونيو 2014

    tarkillah 3lik hadchi bayin ldid 3afak nsiwlik 3la che kadiro lfino f chbakiya wache kayji mzyan

  3. أضيف بواسطة idarat بتاريخ 24 يونيو 2014

    ربي خليكم ام كرم و ام فارس بالنسبة لهاد المقادير كتجي شباكية هشيشة وزوينة و عندي مقادير اخرى بلا فينو حتى هيا كتجي هشيشة غذا ان شاء الله نحطها ليكم وشكرا

  4. أضيف بواسطة omehajar بتاريخ 24 يونيو 2014

    تبركالله عليك شبكية مراكشية ديزه لكلام همهمهم

  5. أضيف بواسطة chomicha بتاريخ 25 يونيو 2014

    تبارك الله عليك بصحة ورمضان مبارك

أضف التعليق

مواضيع مختارة