سلطة غنية ولذيذة

المقادير

  • المقادير
  • 3 حبات جزر
  • 3 حبات باربا
  • 3 حبات خيار
  • قليل من اللوبيا والجلبانة
  • بعض حبات الفجل
  • أرز مسلوق
  • 2 علب الطون
  • علبة الذرة المعلبة
  • مايونيز
  • كاشير+فورماج السندويش
  • 2 حبات مطيشة+ خس
  • معدنوس مفروم ناعم
  • زيت الزيتون
  • ملح+ابزار+خل
rodayna2012

اضغطي هنا لمشاهدة الصفحة الخاصة بالعضوة ، والتعرف على مشاركاتها


13735 مشاهدة , منذ12 ديسمبر 2011

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

من بعد منغسلو الخضار كاملة نديرو البربا والبطاطس والجزر يتسلقو في الماء مع شوية الملح, ملي تسلق وتستقطر نقطعها عل شكل مربعات حتى الخيار نقشروه ونقطعه مربعات . اللوبيا والجلبانة درتهوم فورو, في زليفة نخلط الزيت والخل ملح ابزار حتى تنسجم العناصر ونحصل على صلصة. ونضيف لكل نوع من الخضر 2 معالق من الصلصة المحضرة ناخد الروز المسلوق نضيف الطون،الذرة،المايونيز و 2 معالق من الصلصة ونخلط الكل جيدا . قطعت الفجل ومطشة بداك الشكل بش زينت بيهم السلطة. في طبق التقديم نضع الخس. ناخد مول بالشكل لبغينا ندير فيه الروز ونقلبه في طبق التقديم خدت قليل من الروز وضفت ليه الباربا ممعوسة عطاني لون وزينت به .ونحط الخضر بالشكل لعجبنا ونزينه بالكاشير والفرماج والفجل والبيض مسلوق ومطيشة على شكل سلة فيها المايونيز. نتمنى تعجبكم راها كتجي رائعة والمنظر حتى هو رائع

  1. أضيف بواسطة majada بتاريخ 12 ديسمبر 2011

    تبارك الله على الحادة ديال ام ملاك سلطة زوينة ماشاء الله عليك

  2. أضيف بواسطة stylate بتاريخ 12 ديسمبر 2011

    شكراً جات جميلة بزاف حتى فكرة طماطم جات زوينة الله يعطيك صحة

  3. أضيف بواسطة rodayna2012 بتاريخ 12 ديسمبر 2011

    الله يبارك فيك نتي هي الحادقة ديالنا يفكك الله على خير ورجعي لينا بوصفاتك زونين

  4. أضيف بواسطة rodayna2012 بتاريخ 12 ديسمبر 2011

    لهلا يخطيك أخت stylate شكرا بالصحة والراحة

  5. أضيف بواسطة مغربية بتاريخ 12 ديسمبر 2011

    سلطة رائعة الله اعطيك الصحة فين غبرتي علينا اختي ياك لباس اكان.

  6. أضيف بواسطة rodayna2012 بتاريخ 12 ديسمبر 2011

    بالصحة والراحة أخت مغربية غير مع الدنيا وصافي ولكن راني جيت وجبت لكم شهوات نتمنو يعجبوكم

  7. أضيف بواسطة hoyam بتاريخ 12 ديسمبر 2011

    تبركالله عليك أزين حدك جات زوينة ومندرة

  8. أضيف بواسطة oumaya بتاريخ 12 ديسمبر 2011

    تبركلاه عليك أم ردينة هاد سلطة عجبتني بزاف مندره خلاب زوين سلملي على ردينة

  9. أضيف بواسطة rodayna2012 بتاريخ 16 ديسمبر 2011

    شكرا هيام حتى نت راكي حدجا

  10. أضيف بواسطة rodayna2012 بتاريخ 16 ديسمبر 2011

    الله يبارك فيك أمية يسلم عليك الخير

أضف التعليق

مواضيع مختارة