زعلوك بلا طماطم

المقادير

  • ستة ديال الدنجالات
  • ستة ديال الثومات كبار محكوكين
  • حفنة كبيرة ديال القزبور و المعدنوس مشلضين
  • الملح,لبزار,الكمون والتحميرة
  • زيت الزيتون
  • زوج معالق كبار ديال الخل — إلى بغينا —
daian

اضغطي هنا لمشاهدة الصفحة الخاصة بالعضوة ، والتعرف على مشاركاتها


9203 مشاهدة , منذ29 ديسمبر 2010

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

نغسل الدنجالات و نقطعهم دواور غلاض و نديرهم فطنجرة مع الما باش يتسلقو مع شوية ديال الملح,منين يتسلق النجال نصفيه من الما و نخليه يستقطر,ناخد مقلا ندير فيها الزيت تسخن. منين تسخن الزيت ندير فيها الثومات محكوكين + القزبور و المعدنوس و نحمر كل شي فزيت,ندير الدنجال فمقلا كبيرة او فطنجرة فوق العافية و نخوي عليه الزيت و الثوما و اربيع اللي حمرنا + الملح و لبزار و الكمون و التحميرة ,نخلط كل شي و نعجن الدنجال بيد ديال العود حتى يتحل الدنجال و يولي بحال إلى مطحون و نبقى نحمرو فوق العافية حتى يتعلك و ينشف من الما,منين يتحمر نسقيه بالخل .

  1. أضيف بواسطة majada بتاريخ 28 ديسمبر 2010

    تبارك الله عليك ديام

  2. أضيف بواسطة rima بتاريخ 10 يناير 2011

    حتى أنا ندير بزاف راجلي كي همك عليه غر أنا فعوض نسلك دبنجال كنبخرو مع توم وفلفل بو شكارة كي جي زوين بزاف

أضف التعليق

مواضيع مختارة