المقادير

السلام عليكم ورحمة الله وبركاته
كييفكن انيقاتي
اليوم جبت ليكم هاد 2 الشهيوات للي كايجو لذاذ بززززززاف

نقدم ليكم الطبق الاول للي هو الدجاج في الفران
نحتاج للدجاج منقي مغسول مزيان بالماء والملح والحامض من بعد نسقطروه مزيان ونظيف ليه قطرات من الخل وندلك بيه الدجاج مزيان ونخليه يشربو واحد 5 دقايق
بالنسبة للشرمولة
نحتاج
ملح
بزار
كمون
تحميرة
سكينجبير
خرقوم بلدي
التومة مدقوقة
والمعدنوس مفروم

بالنسبة لكروكيت الخضر نحتاج
2بطاطات كبار مقطعين
2 خيزوات مقطعين
2 قرعات مقطعين
نفوروهم او نسلقوهم مع قليل من الملح ولما يطيبو نمعسوهم بالفرشيط ونظيف ليهم التوابل الاتية
1 كنور
بصلة صغيرة مفرومة
تحميرة شوية
سكينجبير
معدنوس مقطع
بزار
والتومة
من بعد منخلطهم نعملهم كويرات قد الماندارينة نبسطهم شوية ونمررهم في الدقيق من بعد البيض تم الشابلور
وندخلهم للفريكو ساعة تايشدو فريوسهم عاد نقلوهم مباشرة في زيت ساخنة