حريشتي ديال الفران

المقادير

2 زلايف سميدة رقيقة او نصف كيلو
كأس سكر سنيدة
كأس زيت
2 خمارة حمرة
شوية خمارة معجونة
شوية ملح

شوحليمة

اضغطي هنا لمشاهدة الصفحة الخاصة بالعضوة ، والتعرف على مشاركاتها


8538 مشاهدة , منذ15 فبراير 2013

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

بأسم الله الرحمان الرحيم اولا قبل ان ابدا بكتابة الطريقة اريد الاعتذار من الاخت اسماء على هاذ التأخر على اكلة في الحقيقة كنت في خمول درت بعال الدب هههههههه كينعس الشتاء كامل كما كتعرف جميع الاخوات كتجيك شي اوقات مكتقدري ديري حتى حاجة غير كتسلكي في الاكل لكن قلت اوا زدت فيه وانا نوض وشمرت على يديداتي ووجدت ليكم هاد الحريشات ديال الفران راهم كيجيو هشاش وساهلين مفيهمش تعقيد كنتمنا تجربوهم وتردو عليا لخبار
سمحولي طولت عليكم ولكن راكم عزازين عليا بزاف
الطريقة
كنشدو كصعة ونديرو فيها السميدة ونزيدو سنيدة والزيت والخمارة الحمرة والمعجونة وملح ونحركو شوية حتى ينسجم الكل من بعد نجمعو بالماء انا درتو دافي شوية عكزت نقيص الماء البارد ههههههه وغطيتها شي 5 دقائق على مسخن الفران بديت كنكور ونمرمدهم في السميدة الرقيقة وكنحط في لاطة الفرن مرشوشة بالسميدة الرقيقة ودخلتها للفران حتى طابت وهاهي وجدة وبالصحة والراحة
اللهم ادمها نعمة واحفضها من الزوال

  1. أضيف بواسطة kgjg بتاريخ 16 فبراير 2013

    chokran akhi 3la had lwafa ya3tik saha

  2. أضيف بواسطة شوحليمة بتاريخ 16 فبراير 2013

    ربي يخليك اختي

  3. أضيف بواسطة Amoora بتاريخ 17 فبراير 2013

    تبارك الله عليك أختي

  4. أضيف بواسطة meno بتاريخ 17 فبراير 2013

    تبارك الله عليك اى زين

  5. أضيف بواسطة oussa بتاريخ 18 فبراير 2013

    تبركالله عليك الحدكة ديالنا جاتك زوينة

  6. أضيف بواسطة oklat بتاريخ 18 فبراير 2013

    تبارك الله اعليك اختي احلام ديما في المستوى متقوليش هكاك انا عارفة كل وحدة و طروفها الله اكون فعوان الجميع وحتى نتوما سمحولي الا غبرت عليكم غير مع الوقت و صافي ولكن انا راه متبعاكم يوميا واي حاجة كانت انا هنا ونشكر نواوس و احلام لي سولو فيا راه انا بخير غير عندي شي ظروف داكشي باش تحياتي

  7. أضيف بواسطة شوحليمة بتاريخ 18 فبراير 2013

    شكرا البنات لهلا يخطيكم عليا وهاد التعاليق ديالكم كتخليني نجتهد ونزيد نشمر على يديداتي اختي أسماء اتمنى من الله ان تكون هذه الظروف سبب خير

  8. أضيف بواسطة rozalinda بتاريخ 19 فبراير 2013

    تبركلة عليك راني جربتهم أعجبني بزاف

  9. أضيف بواسطة شوحليمة بتاريخ 23 فبراير 2013

    بصحتك وراحتك اختي روزاليندا

  10. أضيف بواسطة شوحليمة بتاريخ 23 فبراير 2013

    بصحتك وراحتك اختي روزاليندا

  11. أضيف بواسطة rimi بتاريخ 4 مايو 2013

    تبركالله عليك و لله إلى سوبثها ليوم جات غزالا

أضف التعليق

مواضيع مختارة