تجربتي في البيتزا

المقادير

  • نصف كيلو من الدقيق
  • شوية الزبدة
  • كاس من الحليب
  • نصف كاس من زيت الزيتون + خميرة+ خمارة
  • بيضة + ملح + ابزار + شوية من زعتر محكوك
  • ماء دافيء لجمع العجين
  • الحشوة :
  • فلفلة خضرة
  • فلفلة حمرة
  • رابعة من الكفتة
  • بصلة دوائر
  • صوص مطيشة فيها علبة من الصوص + شوية زيت +
  • ملح + ابزار + زعتر محكوك + ملعقة صغيرة من سنيدة
  • فرماج كيري للتزين مثلثات
  • فرماج محكوك
حنين 2009

اضغطي هنا لمشاهدة الصفحة الخاصة بالعضوة ، والتعرف على مشاركاتها


10195 مشاهدة , منذ8 مارس 2011

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

نجمع الخليط كله الى ان تصير عجين رطبة ثم نضعها في كيس بلاسيتك لحين ترخف العجين وتنتفخ ومن بعد نحضر الحشوة فيها البصل دوائر مشحر في الزيت + شوية ملح + شيوة ابزار ثم نقطع الفلفل الاحمر والاخضر ونضيفهم للبصل يتصهدوا شوية في المقلاة ومن بعد ناخد كفتة ونشحرها وكدلك نحضر صوص طماطم فيها شوية زيت ملح ابزار زعتر محكوك ملعقة صغير من سنيدة ويحرك مزيان الى ان يتجانس مع بعض ناخد الان العجين نطلقها بالمدلك وندهن الصينية بشوية زيت ونطلق العجين فوقها ونتقبها بالشوكة ثم ناخد جوانب العجين ونضع فيها الفرماج المقطع الى اطراف كويلة ونرصهم في الجوانب وحدة تلو الاخرى ثم نقلب العجين عليها ونضغط بالاصابع شوية حتى لا تنفتح العجين ثم نضع صالصا فوقها وشوة من الفرماج المحكوك اضافة الى البصل الكفتة الخضروات اي حاجة اللي عندك موجودة ثم نضع الفرماج المحكوك فوقها وسر ديال البيتزا انها تبقى في الثلاجة مدة طويلة ثم تدخل الفرن ممكن الجوانب تعغمريها باي حشوة بالصحة والراحة

  1. أضيف بواسطة majada بتاريخ 8 مارس 2011

    تبارك على حنين ديالنا راكي مبرعة مع راسك غادة نجربها انشاء الله

  2. أضيف بواسطة zuba بتاريخ 8 مارس 2011

    الله يعطيك الصحة مزيد من التألق

  3. أضيف بواسطة do3ae84 بتاريخ 8 مارس 2011

    الله اعطيك صحة حنين غادي نجربها انشالله

  4. أضيف بواسطة daian بتاريخ 8 مارس 2011

    الله اعطيك الصحة الغزالة ديالنا

  5. أضيف بواسطة شوحليمة بتاريخ 8 مارس 2011

    تبارك الله عليك الحادكة ديالنا اوا فين حقي اختي

  6. أضيف بواسطة حنين 2009 بتاريخ 8 مارس 2011

    الله يبارك فيكم الاخوات غير جربوها على حسابي وانتي اختي حلومة راني ارسلت لك حقك في طبسيلك ههههه

  7. أضيف بواسطة majada بتاريخ 10 مارس 2011

    تبارك الله عليك حنين راني درتها للعشا معندي منقول ليك راكي حادكة وصافي لهلا يخطيك علينا 100/100

أضف التعليق

مواضيع مختارة