بطبوط كيهبل كيجي زوين

المقادير

  1. زلافة فورص
  2. زلافة ونصف دقيق ممتاز
  3. خميرة الخبز
  4. ملح
  5. ماء دافي لجمع العجينة
أم حفصة

اضغطي هنا لمشاهدة الصفحة الخاصة بالعضوة ، والتعرف على مشاركاتها


30556 مشاهدة , منذ8 اغسطس 2012

معلومات عن الوصفة

  • وقت الاعداد

    30دقيقةMin
  • وقت الطهي

    30 دقيقة Min
  • الوقت الإجمالي

    60 Min

الطريقة

مرحلة 1

بسم الله هاد البطبوط طلبتوا مني عضوة في الموقع او صورتوا للجميع فاش اجربوا الصراحة كيجي رائع بزااااف اولا نديروا المكونات في العجانة

مرحلة 2

ونخليوها تعجن حوالي 25 الى 30 دقيقة مع اظافة الماء والى معندك العجانة ممكن تعجنيه باليد غير بشرط انك عطيه الدليك مزيان

مرحلة 3

باش ايجيك على هاد الشكل بحال عجينة سفنج

مرحلة 4

من الصورة ابان ليكم العجينة راه مرخوفة بزااااااااف

مرحلة 5

بعدما عجناها كنديروها في اناء ونخليوها تخمر شتي فهاد الصورة الحجم ديال العجينة كيف نازل

مرحلة 6

نغطيوها ونخليوها نساو العجينة ديالنا واحد الشوية ونرتاحوا ههههه

مرحلة 7

منين جيت نطل عليها لقيتها خمرات كيف كتشوفوا في الصورة

مرحلة 8

ناخدوا شوبة الزيت و الدقيق ممتاز

مرحلة 9

كندهنوا ايدينا بالزيت مزيان

مرحلة 10

كناخدوا طرف من العجينة كيف هو مبين في الصورة 

مرحلة 11

ونقطعوا كرة كيف هو معروف

مرحلة 12

ونحطوهم على هذا الشكل

مرحلة 13

كنديروا التحت ديال الكرة شوية الدقيق وحنا كنكرصوها بالزيت نديرها فوق المقلة والجهة لي الفيها الزيت هي لي كنديروا فوق المقلة باش اسهال علينا نقادوها

مرحلة 14

ونخليوها حتى تولي فقعات في العجينة وهي فوق المقلة كيف هو مبين في الصورة

مرحلة 15

او ديك الساع كنقلبوها فاش طيب وتبقاي تقلبيها حتى تحمر من الجهتين الزيت حدنا كنديروه في المرة لولا صافي

مرحلة 16

كنبقاو بنفس الطريقة حتى نكملو العجينة ونديروها في صحن ممكن تقدميها مع الزيت و العسل ولا دهنيهم بخليط من الزبدة و العسل مدوبين ومبارك عواشركم ونتمنى انني نكون وصلت ليك المعلومة وجربيه وردي عليا خبار

  1. أضيف بواسطة fatifleure بتاريخ 10 اغسطس 2012

    تبركلة عليك أختي جربتو طلع زوين شكراً بزاف

  2. أضيف بواسطة oum soukaina بتاريخ 16 أكتوبر 2012

    بطبوط جربتو لديد وكهبل تسلم الايادي لقدمتو

  3. أضيف بواسطة فاطمة_يوسف بتاريخ 16 أكتوبر 2012

    غنجربو انرد عليكم انشا الله

  4. أضيف بواسطة yamouna بتاريخ 28 ديسمبر 2012

    زوين هاد لبطبوط غنود دابة نجربو MERCI

  5. أضيف بواسطة omobanine بتاريخ 6 يناير 2013

    بغيت نعرف اش هو فرق بين دقيق فورص ودقيق ممتاز

  6. أضيف بواسطة ام وداد بتاريخ 8 يناير 2013

    لله يعطيك صحة جربتو جاء لديد وسهل شكراً ومزيد من وصفات

  7. أضيف بواسطة aminat بتاريخ 13 يناير 2013

    تبرك الله عليك هاد بطبوط شكله عجيب غادي نجربو الله يعطيك الصحة

  8. أضيف بواسطة omobanine بتاريخ 8 مارس 2013

    تبارك الله عليك

  9. أضيف بواسطة shams بتاريخ 17 مايو 2014

    يسلموووووووووووووووو عرفت واش هدا البطبوط

أضف التعليق

مواضيع مختارة