بسيطلات لحوت روعة

المقادير

  • 1kg كروفيت
  • 500g كلامار
  • علبة فطر
  • 100g فرمسيل
  • ممكن تزيدوا حتى لحوت لبيض أنا مدرتوش
  • ورقات سيدنا موسى
  • بزار، ربيع، سكنجبر، تحميرا، الهريسة، صوجا خفيفة
  • نصف كيلو أو كيلو إلا ربع ورقة البسطيلة صغيرة .
  • زبدة
oum amir

اضغطي هنا لمشاهدة الصفحة الخاصة بالعضوة ، والتعرف على مشاركاتها


14422 مشاهدة , منذ17 أكتوبر 2011

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

- ناخد لكروفيت او نسلقوه واحد 5 حتال 10 دقايق او نصفوه،ندوزو لكروفيت فمقلة مع معلقة ديال زبدة او شويا لملحة او توما او البزار او ربيع او تحميرا او نصف معلقة سودانية او وورقات سيدنا موسى - ناخد لماء ديال سلق لكروفيت او نسلقو فيه فرميسيل مع ورقات سيدنا موسى او شوية لملحة، او نصفيوه, غي منخليوهاش طيب بزاف تاني بش متعلكش . - نسلقو الكالمار او نقطعوه، نشحروه ف مقلة معا زبدة او شوية لملحة او ورقة سيدنا موسى او تحميرا او البزار او سكنجبر او ربيع او توما او نص معلقة سودانية - ندوزو علبة الفطر ف معلقة زبدة ف مقلة. - نخلطو كلشي لمقادير لوجدنا ف مقلة، او نزيدو 2 معالق ديال زيت او صوجا او نصف معلقة سودانية أولى ملعقة كاملة حسب دوقك كين لكيبغيها تكون حارة. الخليط وجد دبا. ندوزو لتعمار: نقبطو مول صغير او نزيتوه او نقبطو لورقة ديال البسطيلة او ندهنوها بزيت او نحطوها ف لمول او نعمرو بلحوشوة لوجدنا او نجمعو جناب لورقة على شكل وردة ، نكونو وجدنا ورقة خرى فوق طاولة مزيتة او نقلبوها فوقها او نجمعو جناب تاني على شكل وردة او نزيتوها من لفوق. ملحوضة: لفوق ديال البسطيلة الاولى ديريه لتحت ديال لورقة تانية ديال البسطيلة، او منين تجمعي لجوانب قلبيها او دهنيها بزيت. نبقاو على هاد شكل حتى نساليو بسيطلات ديالنا او تسالي لحشوة، او ندخلهم لفران ف لاطا مزيتة حتى إتحمرو. ممكن تزينوهم بلفروماج محكوك من لفوق أو بلكروفيت او لحامض أو بدون تزيين، كيجو زوينين او لداد بزاف. بصحة او راحة. ولقد قمت باعدادها اكثر من مرة

  1. أضيف بواسطة siham بتاريخ 3 سبتمبر 2010

    تبارك الله عليك بسطيلة على حقها او طريقها

  2. أضيف بواسطة fatima ezzahraa بتاريخ 5 سبتمبر 2010

    بسطيلة رائعة

  3. أضيف بواسطة oum amir بتاريخ 8 سبتمبر 2010

    الله ابارك فيكم يا بنات او بالصحة او الراحة.

  4. أضيف بواسطة albidaouia latifa بتاريخ 29 أكتوبر 2010

    تبارك الله عليك بسطيلة رائعة

أضف التعليق

مواضيع مختارة