بسطيلة باللحم

المقادير

في المقادير مغاديش نحدد لكم الكمية ديال كل حاجة حيت كاين لأديرها كبيرة أو صغيرة المهم عينك ميزانك
-اللحم
-البصل مشلض
-القزبر ومعدنوس
-الملح+ابزار+الخرقوم+زعفران شعرة+الزيت
-الزبيب
-البيض مسلوق
-اللوز+العسل

-

meno

اضغطي هنا لمشاهدة الصفحة الخاصة بالعضوة ، والتعرف على مشاركاتها


52855 مشاهدة , منذ12 فبراير 2013

معلومات عن الوصفة

  • وقت الاعداد

    ٥٥ دMin
  • وقت الطهي

    ٤٥ د Min
  • الوقت الإجمالي

    0 Min

الطريقة

مرحلة 1

نخدو اللحم نديره ف الكوكوت أنضيفو ليه العطرية والبصلة مشلضة،نخليوه شوية يتشحر ونزيد غير شوية الماء فاش يطيب اللحم منكتروش باش نحتافضو على البصلة ،ملي يطيب ناخد اللحم أنفرتوه ونوضعوه جانبا

مرحلة 2

نخليو المرقة تختار ونزيد عليها الزبيب (مع شوية القرفة وشوية سكر (إختياري )

مرحلة 3

نسلق البيض أنقطعوه دوائر (أنا مدرتوش)، انسلقو كذلك اللوز أنقليوه أنطحنوه ونخلطوه مع العسل

مرحلة 4

ملي يوجد كلشي نفرشو ورقة البسطيلة في الصحن تكون مدهونة الكل تيعرف كيف يدرليها أنا معنديش مول دائري درتها فواحد طول شوية أنديرو الفرشة الأولى باللحم

مرحلة 5

والثانية باللوز

مرحلة 6

والثالثة بالمرق لي فيه الزبيب

مرحلة 7

نلفها مزيان كيف معروف وندخلوها للفرن

مرحلة 8

ملي نخرجوه من الفرن زينوها كيف بغيتو أنا سقيتها شوية بالعسل أزينتها بالسكر كلاصي واللوز

مرحلة 9

بألف صحة حبيباتي ، وهاد 2 طريفات من البسطيلة ديال الأولى والثانية لي أتكتب تعليق ههههههههههه

  1. أضيف بواسطة chaymaa بتاريخ 14 فبراير 2013

    تبركالله أعليك الحادقة ديالنا بسطلة زوينا بزاااف

  2. أضيف بواسطة meno بتاريخ 14 فبراير 2013

    ربي يخليك نت أول وحدة كتبتي تعليق خودي طريف ديال البسطيلة متحشميش ههههههه

  3. أضيف بواسطة ام اميرة بتاريخ 14 فبراير 2013

    بسطيلة كتشهي غنجربها الله يحفظك

  4. أضيف بواسطة meno بتاريخ 14 فبراير 2013

    ويحفض ليك أميرة أحبيبة شكراً لك

  5. أضيف بواسطة majada بتاريخ 14 فبراير 2013

    تبارك الله على الحادكة ديالنا وباينة زوينة ولديدة بزاف

  6. أضيف بواسطة meno بتاريخ 14 فبراير 2013

    بارك الله فيك ا لالة هاجر تعلمنا منكم

  7. أضيف بواسطة Amoora بتاريخ 14 فبراير 2013

    ختي تبارك الله عليك، ختي عفاك وش كاجي بنينة في المداق حيت عمري دقتها ديل لحم؟

  8. أضيف بواسطة meno بتاريخ 14 فبراير 2013

    تتجي غزالة في المداق غي جربيها اى زين

  9. أضيف بواسطة نجاة بتاريخ 14 فبراير 2013

    واخ أزين غن جربها انشاء الله شششششششششششششششششكرا

  10. أضيف بواسطة nawras بتاريخ 14 فبراير 2013

    غزالة تبارك الله

  11. أضيف بواسطة meno بتاريخ 15 فبراير 2013

    لا شكر على واجب حبيبتي نجاة

  12. أضيف بواسطة meno بتاريخ 15 فبراير 2013

    الله يبارك فيك أختي nawras

  13. أضيف بواسطة chomicha بتاريخ 15 فبراير 2013

    تبارك الله عليك أختي راكي فالمستوى أول مرة كنسمع بسطيلة دلحم واش الحم لخروف ؟

  14. أضيف بواسطة meno بتاريخ 15 فبراير 2013

    أختي شميشة أنا درت لحم العجل ولك الاختيار اى زين اشكراً على تعليقك المشجع

  15. أضيف بواسطة chomicha بتاريخ 15 فبراير 2013

    لا شكر على واجب ، شكراً على الجواب

  16. أضيف بواسطة oussa بتاريخ 18 فبراير 2013

    لا لا هادشي عوتني واعر ما عندي منقول كون سحبنا بحال هاكا كون زوجناك شحل هادي ههههه

  17. أضيف بواسطة meno بتاريخ 18 فبراير 2013

    ههههههه إو شفتي ههههه وفين كنتي غبرا هادشي كامل

  18. أضيف بواسطة malika mohammed بتاريخ 12 سبتمبر 2013

    زعمة كتصدص بلحام عمري majarabtha

أضف التعليق

مواضيع مختارة