هده هي صورة الحشوات الثلاث وطريقة صنع كل كريمة على حدى نخلط كل العناصر حتى نحصل على الكريمة اللوز و نحتفظ بيها في الثلاجة حتى نحتاج ليها. بالنسبة للحشوة الثانية طريقتها هي نطرب الصفر البيض مع سنيدة مزيان و نضيف ليه النشا و قشرة الحامض. نغلي الحليب في كاصرونة و نصبو على خليط البيض و سنيدة و نخلط مزيان و نرجعو للكاصرونة فوق نار مهيلة و نخلط بملعقة خشبية حتى يعقد.نحتفظ بالكريمة في الثلاجة حتى وقت التحضير. اما الحشوة الاخيرة فهي عبارة عن شكلاط جاهز لا يحتاج الى تحضير

طريقة تحضيرالبريوش: نغربل الطحين في القصعة و نضيف ليه شوية الملح وسنيدة و الحليب غبرة و الزبدة ذايبة و البيض و نضيف الخميرة و نعجن بالماء حتى نحصل على عجينة لينة.ندلكها مزيان و نتركها ترتاح

نشكل من العجينة كويرات صغار بنفس القد ونقوم ببسطها كما هو مبين في الصورة

بعد ذالك ندير ملعقة صغيرة من كل حشوة في وسط كل كويرة مبسطة

نجمع الكور الثلاتة و نكورهم من جديد و نحطهم في اللاطة متقاربين كيف مبين في الصورة

ملي نكمل نترك البريوش يخمر و ندهنهم بالصفار البيض و نزينهم باللوز

ندخلهم للفران حتى يطيبو و يتذهب لونهم و هذا شكلهم ملي يخرجو من الفران وبالف صحة و عافية نتمنى انهم اعجبوكم