بريوش على شكل وردة

المقادير

  • نصف كيلو طحين
  • نصف كاس عنبة زيت
  • نصف كاس عنبة حليب دافئ
  • نصف كاس سنيدة
  • 2 بيضات
  • خمارة حمراء
  • فاني
  • ملعقة متوسطة خميرة الخبز+ ملح
rodayna2012

اضغطي هنا لمشاهدة الصفحة الخاصة بالعضوة ، والتعرف على مشاركاتها


12078 مشاهدة , منذ29 فبراير 2012

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

مرحلة 1

كنجمع المقادير كاملة ونعجنها وندلكها ونخليها تخمر ومن بعد ندير منها11 كريصة فيهم 5 كبار و5 متوسطين ووحدة صغيرة

مرحلة 2

نورق الكبار هما الاولين بالزيت والزبدة ونحط في الطاوة وحدة فوق

مرحلة 3

ونجي الوسط وندير علامة زائد بالموس وندير علامة في بلى منوصل الجنب

مرحلة 4

ونبدا نقلب الاطراف

مرحلة 5

ونفس العملية نديرها الكريصات المتوسطين نبدا نحطهم الوسط

مرحلة 6

وكدلك الكريصة الاخيرة

مرحلة 7

ونخليها تخمر وندهنها بالبيض وشوية القهوة والحليب وندخلها الفرن وملي اطيب ندهنها بالنباج ولا العسل هاد الوصفة خدتها من عند أخت ريحانة لكنشكرها بزاف وكتجي زوينة فالمنظر وحتى المذاق روعة نتمنى من الأخوات يجربوها بالصحة والراحة.

  1. أضيف بواسطة majada بتاريخ 29 فبراير 2012

    تبارك الله عليك اختي عتيقة هدشي جديد في العشية انشاء الله نجرب مع ساهل والمقادير كلها كاينة في الدار

  2. أضيف بواسطة حنين 2009 بتاريخ 29 فبراير 2012

    تبارك الله عليك بريوش زوين واقتصادي ومنظر زوين الله يعيطك الصحة .

  3. أضيف بواسطة oumaya بتاريخ 29 فبراير 2012

    تبارك الله عليك بريوش زوين أو سهل منضر جديد

  4. أضيف بواسطة rama بتاريخ 29 فبراير 2012

    تبركالله عليك كتستحك تسجيع برافو

  5. أضيف بواسطة رهام بتاريخ 29 فبراير 2012

    مممممم بنينة حبيت نعملها اليوم

  6. أضيف بواسطة chomicha بتاريخ 29 فبراير 2012

    تبركالله عليك أختي وصفة جديدة و زوينة ، أختي ديك صغيرة واش نحتها الفوق ولا نديرو لها نفس طريقة حيت فصور مبنتليش ؟

  7. أضيف بواسطة chomicha بتاريخ 29 فبراير 2012

    عندي لك سؤال أخر أختي سمحيلي واش لعجينة كتجمع غير بدوك المقادير ؟

  8. أضيف بواسطة majada بتاريخ 29 فبراير 2012

    راني اختي عتيقة درتهم وجاو غزالين بحال الي في الصورة وتبعت غير الطريقة ديالك

  9. أضيف بواسطة rodayna2012 بتاريخ 29 فبراير 2012

    السلام عليكم سمحولي تعطلت عليكم بالرد،ماجدة شكرا بزاف على التعليق ديلك والله إلى فرحت من قلبي حيت جربتها وصدقت ليك حتى أنا هادي أول مرة كنديرها ومحشمتنيش الحمد لله شكرا مرة أخرى .

  10. أضيف بواسطة rodayna2012 بتاريخ 29 فبراير 2012

    بالصحة والراحة أختي hanin2009 فعلا إقتصادي والاكتر من هذا أن كيجي لذيذ.

  11. أضيف بواسطة rodayna2012 بتاريخ 29 فبراير 2012

    شكرا أمية بالصحة والراحة حتى نت تبارك الله عليك راكي منورة أكلات.

  12. أضيف بواسطة rodayna2012 بتاريخ 29 فبراير 2012

    شكرا أختي رمى على التشجيع ديالك.

  13. أضيف بواسطة rodayna2012 بتاريخ 29 فبراير 2012

    بصحتك أختي ريهام ملي تعملها راضي علي لاخبار

  14. أضيف بواسطة rodayna2012 بتاريخ 29 فبراير 2012

    أختي شميشة الله يبارك فيك،هديك صغيورة كندرها فالوسط بحديثها وحتى هي نقسمها فالوسط بحال الأول،بالنسبة لعجينة هي كتجمع غير بدك العناصر وعلى حساب الدقيق لكيشرب إلى متجمعتلكش زيدي شوية ديل لحليب أنا غير بهدوك تجمعتلية.نتمنى نكون وضحتلك شوية إلى كان شي سؤال أخر أنا رهن الاشارة .

  15. أضيف بواسطة oume adame بتاريخ 29 فبراير 2012

    تبركله عليك

  16. أضيف بواسطة rodayna2012 بتاريخ 29 فبراير 2012

    الله يبارك فيك أم آدم

  17. أضيف بواسطة chomicha بتاريخ 29 فبراير 2012

    شكراً أختي rodayna على الجواب غدي نجربها إنشاء الله أنعتيلك لاخبار

  18. أضيف بواسطة marwati بتاريخ 1 مارس 2012

    تبركالله عليك أختي rodayna2012 قوليلي ختي واش دوك الكريصات الكبار كديري وحدة فوق وحدة؟

  19. أضيف بواسطة omadam بتاريخ 1 مارس 2012

    منضر غزال ومقادير بساط الله يعطيك صحة غنجربها إنشاء الله ونرد عليك

  20. أضيف بواسطة sokayna بتاريخ 1 مارس 2012

    تبركالله عليك أختي rodayna شكراً بزاف على هاد الوصفة

  21. أضيف بواسطة أم حفصة بتاريخ 2 مارس 2012

    ردينة ماعندي منقول الله اعطيك الصحة تبارك الله عليك

  22. أضيف بواسطة rodayna2012 بتاريخ 2 مارس 2012

    الله يبارك فيك marwati،دوك الكرصات كنديرو وحدة فوق وحدة وحنا كنفرقو بناتهوم بالزيت والزبدة بالنسبة حتى لكرصات المتوسطين نفس الطريقة .

  23. أضيف بواسطة rodayna2012 بتاريخ 2 مارس 2012

    بصحتك وراحتك oumadam جربها وردي علي

  24. أضيف بواسطة rodayna2012 بتاريخ 2 مارس 2012

    سكينة بالصحة والراحة لا شكر على واجب.

  25. أضيف بواسطة rodayna2012 بتاريخ 2 مارس 2012

    أم حفصة لهلا يخطيك انتي ماشاء الله عليك وصفاتك كلهم فالمستوى،شكرا لاخوات كلهم.

  26. أضيف بواسطة chomicha بتاريخ 3 مارس 2012

    أختي جربتها اليوم جات زوينة غير تحرقت لي شوية من التحت هههههههه ولكن معليش مرة أخرى نعودها و نحديهة مزيان ههههههه

  27. أضيف بواسطة wafoue بتاريخ 3 مارس 2012

    عفاك ختي إلى تعودي تشرحي طريقة لفصورة مرحلة تانية وش دوك 11 كرة كاملين كدري وحدة فوق وحدة ولا شنو لدكر أنا يلة مبتدئة او عجبتني هادي بزاف

  28. أضيف بواسطة wafoue بتاريخ 3 مارس 2012

    سمحلي فيا قوة لأسئلة ديك تخليها تخمر ياك برا فرن أولى ؟؟

  29. أضيف بواسطة rodayna2012 بتاريخ 3 مارس 2012

    أختي شميشة بصحتك وراحتك ضروري خاصكي تردي معها البال بش متحرقش لك مرة أخرى إنشاء الله

  30. أضيف بواسطة rodayna2012 بتاريخ 3 مارس 2012

    wafoue مشي مشكل أنك تسولي المهم أنك تستفدي وتعرفي والدنيا هنية،دوك 5 الكبار كنجرصو وحدة فوق وحدة وانا كنفرق بالزيت والزبدة من بعد كندير علامة + ونعود ندير علامة * ونبدى نقلب جناب وكندير نفس الطريقة بالنسبة لدوك الكرصات المتوسطين وهديك الصغيورة كندرهة بحديثها ونديرها حتى هي علامات + وعلامة *ونقلبلها جنابها حتى هي،وكنخله تخمر عد كدخلهة لفرن،نتمنى نكون وصلتلك الطريقة إلى كان شي سؤال أخر أنا رهن الاشارة.

  31. أضيف بواسطة wafoue بتاريخ 3 مارس 2012

    ربي يخليك شكراً بزاف بزاف صف دب فهمت كلش أو غنديرهة انشالله هاد نهار انرد عليك الله يجازيك بلخير

  32. أضيف بواسطة مغربية بتاريخ 11 مارس 2012

    هد البريوش غزال الله اعطي الصحة رني غادي انجربو انشاء الله...

  33. أضيف بواسطة rodayna2012 بتاريخ 11 مارس 2012

    انشاء الله مغربية جربيه وردي عليا

  34. أضيف بواسطة مغربية بتاريخ 13 مارس 2012

    راني جربتو اعجبني بزاف شكرا ليك نتمنى مزيدا من التالق........

  35. أضيف بواسطة rodayna2012 بتاريخ 13 مارس 2012

    بصحتك وراحتك أزين

  36. أضيف بواسطة merita بتاريخ 29 يوليو 2012

    ختي وش فاني ماء ولا سشية عفاك جاوبني ختي لحقش بغيت نديرها وشكراً

  37. أضيف بواسطة rodayna2012 بتاريخ 30 يوليو 2012

    السلام عليكم فاني ساشي أختي بالصحة والراحة مسبقا

  38. أضيف بواسطة khadiiiiii بتاريخ 30 يوليو 2012

    البريوش غزال الله اعطي الصحة

  39. أضيف بواسطة مغربية انا بتاريخ 21 يوليو 2013

    تبارك الله عليك جربتو جني زوييييييييين وما حشمنيش قدام عجوزتي ههههههههههه

أضف التعليق

مواضيع مختارة