الدجاج معمر ومحمر في الفران

المقادير

  • 2 دجاجة
  • علبة الشعرية الصينية (فيرميسل)
  • بصلة مشلضة رقيقة ومشحرة
  • قزبور ومعدنوس مدقوقين مع 2 فصوص التوم
  • كبدة ولا أكتر مسلوقة مع طريف الحامض
  • الحامض المصير
  • التوابل:
  • ابزار،ملح،سكينجبير،تحميرة والهريسة (حسب الرغبة)
  • للتزين:
  • خضر مخللة،كاشير،فرماج أحمر
majada

اضغطي هنا لمشاهدة الصفحة الخاصة بالعضوة ، والتعرف على مشاركاتها


18421 مشاهدة , منذ10 يونيو 2012

معلومات عن الوصفة

  • وقت الاعداد

    30 دقيقةMin
  • وقت الطهي

    ساعتان Min
  • الوقت الإجمالي

    30 Min

الطريقة

الطريقة في إناء نضع القزبر والمعدنوس مع التوم وشوية الملح مدقوقين نضيف التوابل ونقطع الحامض مصير مربعات صغيرة وقطرات من زيت الزيتون وشوية الماء.

ملي نحصل على شرمولة نشرملو بها دجاجة ونتكها من صدرها بش تشرب شرمولة مزين ونخلوه مرقدة على صدرها على منوجدو الحشوة.

هاد الخطوة كنديرها قبل بليلة من نبغي نطيبها يكون أحسن

نمر للحشوة:ندير بصلة مشلضة في مقلة نضيفلها شوية ملح،ابزار،زيت حتى تتشحر تم نضيف الكبدة مقطعة مربعات صغيرة من بعد من سلقها
ونزيدها ديك شرمولة لبقات على دجاجة ونخليوها تتشحر شوية,في هاد الأتناء نكونو درنا الفيرمسيل تسلق ولا نخوي عليها ماء سخون
من بعد ما ترخى نصفوها نضيفها على البصلة والكبدة ونزيدها التوابل المذكورة ونعمر بها الدجاج
وندهن لاطة كدخل الفران بالزبدة مزين ونحط فيها الدجاج على الصدر وندخله للفرن قليل لمدة 2 ساعات من الجهة ل مفيهاش العافية يعني من الفوق والعفية من التحت كيطب غير الفوق وكيخرج محمر

ملي يطيب زينه بالطريقة لبغتي

  1. أضيف بواسطة meno بتاريخ 12 يونيو 2012

    هادي هي طريقتنا ف دجاج تيجي بنين الله يعطيك الصحة الحادكة

  2. أضيف بواسطة kikaa بتاريخ 12 يونيو 2012

    هادشي كيشهي خسارة دايرة رجيم والله

  3. أضيف بواسطة oum ayman بتاريخ 12 يونيو 2012

    كيجي غزال أنا كنفورو في الكسكاس عاد كندخلو لفران يتحمر تبارك لله عليك

  4. أضيف بواسطة oussa بتاريخ 12 يونيو 2012

    تبركالله عليك راكي متقلة أو محارمناش من شهوات الله يسار ليك فلولادة

  5. أضيف بواسطة أم حفصة بتاريخ 12 يونيو 2012

    الله اعطيك الصحة عزيزتي

  6. أضيف بواسطة chomicha بتاريخ 12 يونيو 2012

    تبركالله عليك أختي الله ايكون معك تولدي على خير

  7. أضيف بواسطة majada بتاريخ 13 يونيو 2012

    الله يبارك فيكم الحبيبات ديالي لهلا يخطيكم عليا وصافي

  8. أضيف بواسطة kikaa بتاريخ 13 يونيو 2012

    عنا شي وصفة ديال رجيم ألل ماجدة الله يحفضك

  9. أضيف بواسطة id بتاريخ 14 يونيو 2012

    الله يعطيك الصحة

  10. أضيف بواسطة santhia بتاريخ 19 يوليو 2012

    الله يعطيك الصحة

  11. أضيف بواسطة santhia بتاريخ 19 يوليو 2012

    الله يعطيك الصحة

  12. أضيف بواسطة santhia بتاريخ 19 يوليو 2012

    الله يعطيك الصحة

  13. أضيف بواسطة santhia بتاريخ 19 يوليو 2012

  14. أضيف بواسطة santhia بتاريخ 19 يوليو 2012

    الله يعطيك الصحة

  15. أضيف بواسطة nazha بتاريخ 19 يوليو 2012

    الله يعطيك الصحة

  16. أضيف بواسطة فاطمة_يوسف بتاريخ 27 يوليو 2012

    غادي انجرب وارد عليكم الخبار انا بغيت الدجاج محمر بالطريقة واضحة جزاكم الله خير

  17. أضيف بواسطة نجاة بتاريخ 1 اغسطس 2012

    الله وأكبر الفن يستحقو تجريب

أضف التعليق

مواضيع مختارة