الدجاج معمر ومحمر في الفران مممممممممم

المقادير

  • دجاجة ولا أكتر على حسب الأفراد
  • علبة الشعرية الصينية (فيرميسل)
  • بصلة مشلضة رقيقة ومشحرة
  • كزبور ومعدنوس مدقوقين مع 2 فصوص التوم
  • كبدة ولا أكتر مسلوقة مع طريف الحامض
  • الحامض المصير
  • التوابل:
  • ابزار،ملح،سكينجبير،تحميرة والهريسة (حسب الرغبة)
  • للتزين:
  • خضر مخللة, زيتون أخضر بلا عضم,كاشير
rodayna2012

اضغطي هنا لمشاهدة الصفحة الخاصة بالعضوة ، والتعرف على مشاركاتها


16902 مشاهدة , منذ16 ديسمبر 2011

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

في إناء نضع الكزبر والمعدنوس مع التوم وشوية الملح مدقوقين نضيف التوابل ونقطع الحامض مصير مربعات صغيرة وقطرات من زيت الزيتون وشوية الماء. ملي نحصل على شرمولة نشرملو بها دجاجة ونتكها من صدرها بش تشرب شرمولة مزين ونخلوه مرقدة على صدرها على منوجدو الحشوة. هاد الخطوة وكن نديرها قبل بليلة من نبغو نطيبها يكون أحسن نمر للحشوة:ندير بصلة مشلضة في مقلة نضيفلها شوية ملح،ابزار،زيت حتى تتشحر تم نضيف الكبدة مقطعة مربعات صغيرة من بعد من سلقها ونزيدها ديك شرمولة لبقات على دجاجة ونخليوها تتشحر شوية,في هاد الأتناء نكونو درنا الفيرمسيل تسلق ولا نخوي عليها ماء سخون من بعد ما ترخى نصفوها نضيفها على البصلة والكبدة ونزيدها التوابل المذكورة ونعمر بها الدجاج. وندهن لاطة كدخل الفران بالزبدة مزين ونحط فيها الدجاج على الصدر وندخله للفرن قليل لمدة 2 ساعات من الجهة ل مفيهاش العافية يعني من الفوق والعفية من التحت كيطب غير الفوق وكيخرج محمر ملي يطيب زينه بالطريقة لبغتي أنا درت الخس والخضار المخللة وكيجي لذيذ بزاف وكيدوب في الفم نتمنى تجروبوه وكينفع في المناسبات

  1. أضيف بواسطة youssraa بتاريخ 16 ديسمبر 2011

    دجاج راقي فالمستوى شكراً

  2. أضيف بواسطة maryam بتاريخ 16 ديسمبر 2011

    هادي واقيلة شي عراضة مفخمة..تبارك الله عليك الالة

  3. أضيف بواسطة اسال الله الجنة بتاريخ 16 ديسمبر 2011

    شكرا على الوصفة باينة بتجي زوينة و بنينة غير درجة الحرارة شحال الا كان فرن كهربائي وشكرا

  4. أضيف بواسطة majada بتاريخ 16 ديسمبر 2011

    تبارك الله عليك اختي يسري دجاج زوين وفي المستوي

  5. أضيف بواسطة ام اية بتاريخ 17 ديسمبر 2011

    شكرا على الوصفة تبارك الله عليك

  6. أضيف بواسطة rodayna2012 بتاريخ 17 ديسمبر 2011

    شكرا يسرى فعلاً كيحمر الوجه

  7. أضيف بواسطة rodayna2012 بتاريخ 17 ديسمبر 2011

    فعلاً عراضة الله يبارك فيك مريم وشكرا

  8. أضيف بواسطة rodayna2012 بتاريخ 17 ديسمبر 2011

    شكرا أختي أنا عندي فرن بالغاز لكن إلى درتيه في الفران كهربائي خليه ساعة وشوفي .

  9. أضيف بواسطة rodayna2012 بتاريخ 17 ديسمبر 2011

    الله يبارك فيك ماجدة بالصحة والراحة

  10. أضيف بواسطة rodayna2012 بتاريخ 17 ديسمبر 2011

    الله يبارك فيك أم أية شكرا

  11. أضيف بواسطة chomicha بتاريخ 17 ديسمبر 2011

    تبركالله عليك أختي دجاج كيشهيو

  12. أضيف بواسطة حنين 2009 بتاريخ 19 ديسمبر 2011

    تبارك الله عليك دجاج زوين وبطريقة جديدة

  13. أضيف بواسطة layali82 بتاريخ 26 ديسمبر 2011

    واش الدجاج مكنديروهش فورق ألمنيوم قبل مندخلوه الفران؟

  14. أضيف بواسطة rodayna2012 بتاريخ 28 ديسمبر 2011

    السلام عليكم سمحولي على التاخير بالرد،شكرا أختي شميشة وحنين 2009 وليالي82 ،بالنسبة للدجاج أنا مكندروش ف ألمنيوم كنخليه هكك شكرا مرة أخرى على تعليقاتكم.

  15. أضيف بواسطة majada بتاريخ 12 مارس 2012

    ماشاء الله عليك

أضف التعليق

مواضيع مختارة