الحريرة المغربية الرائعة بطريقتي

المقادير

  • كمية من الحمص مفرك على حسابك
  • 6حبات مطيشة
  • حبة بطاطس
  • بصلة متوسطة
  • جزرة
  • حزمة متوسطةالربيع (كرافس،كزبور،معدنوس)
  • معلقة صغيرة ابزار
  • معلقة صغيرة سكنجبير
  • معلقة كبيرة ملح
  • شوية زعفران
  • نصف معلقة سمن الحار
  • 2معلق كبار الزيت العود
rodayna2012

اضغطي هنا لمشاهدة الصفحة الخاصة بالعضوة ، والتعرف على مشاركاتها


13809 مشاهدة , منذ4 يوليو 2012

معلومات عن الوصفة

  • وقت الاعداد

    10minMin
  • وقت الطهي

    1h Min
  • الوقت الإجمالي

    11 Min

الطريقة

مرحلة 1

بسم الله بمناسبة رمضان قرب بغيت نوركم طريقتي فطياب لحريرة نتمنى تعجبكم .

مرحلة 2

إلى كانو تقطعت ديل اللحم كيجو زوينين ،ماكنش مشي مشي ضروري على فكرة هاد المقادير كتعطي لكوكوت ديل 6 عامرة نبداو ندير جميع العناصر فلككوت وسب الماء الكافي ونخلوه نصف ساعة .

مرحلة 3

هيدي ملي طابت ,كنهزو الخضرة كاملة مع الربيع كنخلي غير المرق والحمص

مرحلة 4

كنطحنو ديك الخضرة مع شوية ديل الماء بارد

مرحلة 5

ونسفوها فالبرمة فن غندرو التدويرة على داك المرق مع الماء بدون حمص حيت راه طايب ونخلوها فوق نار مهلة على منوجدو التدويرة

مرحلة 6

ناخد 6 معلق ديل الدقيق الفروص ونطلقهوم بالماء حتى ميبقوش الكويرات فيه ,ونضيف البرمة شوية بشوية ونة كنخلط مزين بش ميتكورش دكشي .

مرحلة 7

ناخد 2 معلق كبار مطشة ديل الحك ونطلقوهم بشوية الماء ونضيف لخلط مع التحريك المستمر ونخليوها تغلي حتى متبقش تفيض ديك الساعة نضفي الشعرية الرقيقة ونحرك مزين حتى طيب ونضيف في الأخير الحمص والكزبر مقطع رقيق وهاهي وجدة.

مرحلة 8

بالصحة والراحة،رمضان كريم

  1. أضيف بواسطة oum ayman بتاريخ 6 يوليو 2012

    لله يعطيك الصحة أول مرة كنشوف حريرة ببطاطة أخيزو

  2. أضيف بواسطة meno بتاريخ 6 يوليو 2012

    رائعة الحادكة ديالنا توحشنا شهيواتك

  3. أضيف بواسطة zahiraatlas بتاريخ 6 يوليو 2012

    تبارك الله عليك كانت تنسمع حريرة بالخضار

  4. أضيف بواسطة rodayna2012 بتاريخ 7 يوليو 2012

    الله يعطيكم الصحة راحة كتجي رائعة مابين فيها لا بطاطا لا خيزو حتى لولدت يشربها صحية .

  5. أضيف بواسطة oumaya بتاريخ 7 يوليو 2012

    الآه اعطيك صحة بين عليها لديدا بين عير بلونها

  6. أضيف بواسطة zanouba yasser بتاريخ 7 ابريل 2013

    الله يعطيك صحة أنا يلة جربتها او عجبتني

أضف التعليق

مواضيع مختارة