البطاطا معمرة

المقادير

  • كيلو بطاطا بيضاء كبيرة
  • علبة طون
  • فلفلة حمراء + خضراء
  • كرعة متوسطة محكوكة
  • بصلة صغيرة مشلضة + معدنوس مقطع رقيق
  • زيت ملح إبزار
  • فرماج إحمر محكوك
soundous

اضغطي هنا لمشاهدة الصفحة الخاصة بالعضوة ، والتعرف على مشاركاتها


9292 مشاهدة , منذ31 مايو 2011

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

بسم الله هدي أول وصفة لي كنتمنا تعجبكم كنخدو البطاطا كنغسلوها مزيان و نخليوها بالقشرة ديالها و كنقطعوها على الطول و كنسلقوها في ماء مملح،نخليوها تطيب ولكين متحلش، ناخدو دبا البصل و نشحروه مع الزيت و نضيفو الفلفلة مقطعة مكعبات صغار ثم الكرعة محكوكة و نديروا الملحة و الإبزار. منين تطيب البطاطا نخويولها القلب و ندهنوها بشوية ديال الزبدة و ندخلوها للفرن باش تشد راسها و تشتتش لينا في التعمار، نضيفوا في هذه الأثناء القلب ديال بطاطا للعمارة من بعد ما نطحنوه و نضيف الطون و المعدنوس و نخلطوها مزيان. نخرجو قوارب البطاطا و نعمروهم بالخليط و نديروا من الفوق الفرماج محكوك. ندخلها للفرن مدة 15 دقيقة على درجة حرارة 170 درجة و بالصحة و الراحة

  1. أضيف بواسطة شوحليمة بتاريخ 30 مايو 2011

    تبارك الله عليك اختي سندس غير الصورة موضحاش مزيان مزيد من التالق ومرحبا بيك معانا في اكلة الى كنتي عضوة جديدة

  2. أضيف بواسطة zuba بتاريخ 30 مايو 2011

    تبركالله شهوة غزالة أختي soundous ومرحبا بيك معنا ومزيد من التألق عزيزتي

  3. أضيف بواسطة siham بتاريخ 30 مايو 2011

    الله يعطيك الصحة اختي سندس

  4. أضيف بواسطة soundous بتاريخ 31 مايو 2011

    هشكرا أللياتي أنا عضوة جديدة من الرباط كنتمنى نكونوا أصدقاء و سمحولي على الصورة و لكن الوصفة مجرباها هذي سنين و خصوصا للصيف

  5. أضيف بواسطة soundous بتاريخ 31 مايو 2011

    شكرا بزاف على الترحيب و التشجيع الله يبارك فيكم أ لحادكات

أضف التعليق

مواضيع مختارة