أرز بالعدس

المقادير

  • 1 بصلة متوسطة الحجم
  • 1 بصلة صغيرة الحجم
  • 5 فصوص ثوم إذا كان كبير أو 8 إذا كان صغير
  • 1 كاس عدس أسود
  • 1 كاس روز
  • 1 ملعقة شاي كركم
  • 1 ملعقة شاي فلفل أحمر
  • 1 ملعقة شاي طماطم معجون( مليانة)
  • 1 ملعقة شاي كمون (مليانة)
  • ملح حسب الذوق
  • فلفل أكحل حسب الذوق
  • زيت أو زبدة للقلي
fedwa tunisie

اضغطي هنا لمشاهدة الصفحة الخاصة بالعضوة ، والتعرف على مشاركاتها


11131 مشاهدة , منذ20 اغسطس 2011

معلومات عن الوصفة

  • وقت الاعداد

    30Min
  • وقت الطهي

    30 Min
  • الوقت الإجمالي

    60 Min

الطريقة

مرحلة 1

نقوم بنقع الأرز في الماء لمدة ساعة على الأقل

مرحلة 2

نغسل العدس جيدا ثم نغليه على النار في الماء و رشة صغيرة ملح

مرحلة 3

بعد نقع الأرز , نأخذ مقلاة و نضع بها الزيت أو الزبدة , و نقطع البصلة الكبيرة إلى مكعبات صغيرة و نضعها في المقلاة مع رشة صغيرة ملح, و نقلب على نار هادية لين يصفار لونو

مرحلة 4

وقت يولي لون البصل أصفر, نصفي الروز من الماء و نخليه في المقلاة و نزبدلو الكركم. و نخليه يطيب في عقلو و مرة مرة نقلب باش ما يشدش.

مرحلة 5

بعد ما تقلى الروز و البصل , نصفي العدس و نستحفظ بالماء اللي طيبناه بيه. نضيف العدس للروز و البصل و نحركهم مع بعضهم بالقدا, و ناخذ مقدار كاس من ماء طبخ العدس و نصبو على الخليط و نغطيوه و نخليوه لين ينشف.

مرحلة 6

التقلية: نفرم الثوم و نخليه في الزيت مع الملح ,من بعد نخلي الطماطم و نحرك, من بعد الفلفل أحمر و نحرك و أخيرا الكمون , و مانغفلش عليها لين اتطيب. و إذاشفت اللي لونها بدا يسواد زيدلها شوية ماء و حركها لين تاقف على زيتها.

مرحلة 7

بعد ما طاب الروز و العدس و طابت التقلية, نصب التقلية على خليط الروز و العدس لين يتجانس, و نخليوه في طبق التقديم. بالنسبة للزينة ناخذو البصلة الصغيرة و نقصوها على شكل دويرات ودوب نقليوها في الزيت و نخليوها من فوق , و تصير بهذا الشكل و تاكلو بألف صحة و عافية و تدعيولي,هي موش أكلة تونسية لكني جربتها و طعمها بنين برشة و زيد صحية و قليلة السعرات مقارنة بباقي الاكل, و مفيدة برشة للي عندهم فقر الدم . بالشفا و الهنا.

  1. أضيف بواسطة zuba بتاريخ 27 اغسطس 2011

    تبركالله عليك فعلاً وصفة غزالة ومرحباً بيك بين اخواتك مزيد من التألق عزيزتي

  2. أضيف بواسطة fedwa tunisie بتاريخ 28 اغسطس 2011

    يعيش اختي الغالية و ربي يبارك فيك انشاالله

  3. أضيف بواسطة zuba بتاريخ 28 اغسطس 2011

    أمين هدا أقل واجب كوليك دوق

أضف التعليق

مواضيع مختارة