معا نحو الرشاقة

oklat

اضغطي هنا لمشاهدة الصفحة الخاصة بالعضوة ، والتعرف على مشاركاتها



5807 مشاهدة , منذ17 يونيو 2012

السلام عليكم  عزيزاتي ومرحبا بكم في ركن الذي أعددته بخصوص انقاص الوزن و الحصول على جسم رشيق و سليم لاته ليس كل جسم رشيق فهو يدل على صحة جيدة فلهذا فنحن باذن الله سوف نعمل على انقاص الوزن بشكل سليم و بدون اثار جانبية .

كيف اتفقنا غذا باذن الله سوف  تكون اولى ايام الرجيم وذالك باتباع الرجيم الذي قمت بكتابته لكم في ركن الحمية و الرجيم و أود ان اشير الى كل المنخرطات في هذا الركن لي هو معا نحو الرشاقة أنه في هذا الركن سوف يثم التواصل بين المنخرطات يعني كل وحدة بعدما يمر اليوم الاول تعاود لينا كيف داز نهارها مع الرجيم و الرياضة واش جاها عادي او لقات شي صعوبة او شناهية صعوبات لي واجهاتها فاش لقاو الحل جميع ونمشيو الجميع اوكي يافتيات لي كنصح بيه هو اننا ناخذوا الامر بسهول اوبلاما نفكر في اننا عندخلو في الرجيم لان كل كيلعب ضددنا كيفاش هو الا بقينا نقولو هاد الهضرة فالخلايا لي في الجسم كتولي تقاوم ضد فلهذا فاش اكون الرجيم ممتاز ماعلينا غير لعبو ايضا على النفسانية ديالنا وهي اننا نعطيو تعابير ايجابية ومحفزة عتقولولي بحالاش وانا نقوليكم مثل انا رشيقة - انا شبعانة وخا نتي واكلة غير شوية - وحتى ممارسة  الرياضة هي جزء مهم في المهمة انا عارفة عتقولوليا انا خدامة وحدة تقول لينا انا محداياش شي مركب رياضي لي نمشي ليه او وحدا تقولي انا الا مكافيا مع دراري او طياب او شغل الدار ماعنديش وقت لي رياضة,

الالة مولاتي الله اكون فعوان كل سيدة ولكن هاذ الامور كلها كين ليها الحل وهي التنظيم وقت شوية والامور عدوز بخير ان شاء الله 

هو الوحدة فينا تفيق شوية بكري تصلي صلاة فجر وتخصي غير واحد عشر دقائق فقط قومي بحركات بسيطة في بيت ديالك و سوف اقوم بادراج بعض الحركات 

او لي عندها لي ونسها تقوم بمشي لمدة نصف ساعة فقط في صباح او في المساء فالمشي احسن رياضة كيتحرك فيها الجسم كامل و كل العضلات 

ونحاولو نتبعو الرجيم وان شاء الله اكون الخير او متنساوش انكم توزنوا راسكم وفي صفحتنا على الفايسبوك عتلقاو صورة لحساب الوزن 

كنظن انني قلت كل النقاط الاساسية لي كنت عن سجلها ليكم في الراديو ولكم وقع لي مشكل داكشي باش كتبتها ليكم 

واش مستعدين البنات 

 

 

 

 

 

 

 

 

 

 

 

 

 

  1. أضيف بواسطة kikaa بتاريخ 18 يونيو 2012

    أنا متفقة معك اللة okla لهلا يخطيك الينا أنا نشا الله راضي نبدا رجيم

  2. أضيف بواسطة nawawas بتاريخ 18 يونيو 2012

    سلام أخت oklat أنا معاكم بغيت نقص شوية الوزن .لهلا يخطيك علينا وشكراً .

  3. أضيف بواسطة rodayna2012 بتاريخ 18 يونيو 2012

    صباح الخير والورد على الرشيقات ديل أكلة ي الله البنات أنا مستعدة بديت هاد الصباح الريجيم،لكن وزنت راسي قبل من بدا بش نشوف نتيجة نتلقاو بش نشوفو كداز نهاركم .

  4. أضيف بواسطة oklat بتاريخ 18 يونيو 2012

    صباح الخير عليكم مزيان كنتمنى ان كل وزن نفسوا او قيدها في وريقة ونراقبوا راسنا وفي نهاية اليوم كل وحدة تعاود لينا كيفجاها نهار لول

  5. أضيف بواسطة أم حفصة بتاريخ 18 يونيو 2012

    سلام عليكم اوا الله اعاونكم او انولكم داكشي ليبغيتوا ان شاء الله

  6. أضيف بواسطة kikaa بتاريخ 18 يونيو 2012

    لهم أمين أنا هاد نهار مكلت والو إلى 3 ديال برقوق لحمر صافي ولما

  7. أضيف بواسطة kikaa بتاريخ 18 يونيو 2012

    لهم أمين أنا هاد نهار مكلت والو إلى 3 ديال برقوق لحمر صافي ولما

  8. أضيف بواسطة kikaa بتاريخ 18 يونيو 2012

    makaditchi

  9. أضيف بواسطة rodayna2012 بتاريخ 18 يونيو 2012

    سلام،أنا البنات دز نهاري مزين مع الريجيم لحد ألان مكين لا جوع لا ولو الحمد لله،لكن أنا مسافرة هاد العشية كنتمنى نحافض على هاد الريجيم دعو معايا

  10. أضيف بواسطة oklat بتاريخ 18 يونيو 2012

    حتى انا ناهاري حتى هاد الساعة مزيان او عندي نادي رياضي كلعب رياضة حمد الله مزيان ختي عتيقة الله اوسلك على خير او اعاونك على رجيم في السفر اما اختي كيكة راه قلنا نتبعو رجيم ليعطيتكم بطبيعة الحال معتقديش لانك واكلة عير ثلاثة ديال برقوقات معندهم ميديرو ليك هادوك غير كتصعبي على راسك وختخلي الجسم ديالك يثاثر بهذا الشكل لهذا انا قلت ليكم نتبعو داك الرجيم لانه يحتوي على بروتينات وفيتامينات وكذالك بعض السكريات هادشي ضروري للجسم ديالنا لهذا منتمنى عزيزتي انك طبقي داكشي كيف دارت اخت ردينة او محسات بحتا حاجة وشكرا

  11. أضيف بواسطة oklat بتاريخ 18 يونيو 2012

    او لي بغيت نضيف او كل وحدة بغا دير رجيم راه ماشي الا مكليت والوا يعني عنضعاف بلعكس بعاد الشكل كنجيبوها فصحتنا كيفاش هو اننا مين مكنكلوش مزيان كيف وقع لاخت كيكة معتقديش تاكلي او فنفس الوقت معدة ديالك معتحملش انك في يوم وليلة حيتي ليها الماكلة لهذا عزيزتي انصحك ان نقوم بالرجيم بتدريج او مع الوقت المعدة كتصغار وكنبداو نضعافو كنتمنى انك طبقي رجيم لكتبت ليكم ومع قليل من الرياضة اكيد عتكون نتيجة وشكرا

  12. أضيف بواسطة حبيبة مراد علمدار بتاريخ 18 يونيو 2012

    عسلامتكم انا زينب من الجزائر موضوع في المستوى

  13. أضيف بواسطة kikaa بتاريخ 19 يونيو 2012

    عندك لحق أنا وله ماكدت نكل ولو

  14. أضيف بواسطة kikaa بتاريخ 19 يونيو 2012

    أصلاً هاد نهار وكلة برقوق الاحمر

  15. أضيف بواسطة kikaa بتاريخ 19 يونيو 2012

    بريت عفاكم نسولكم بنسبة برقوق الحامد وش مزيان للرجيم أنا نشا الله نبدا هداك رجيم معكم غداً

  16. أضيف بواسطة kikaa بتاريخ 19 يونيو 2012

    إو فنكم يا رشيقات كيف دايز نهاركم :)

  17. أضيف بواسطة oklat بتاريخ 19 يونيو 2012

    سلام عليكم مزيان اختي كيكة منين فهمتي كلامي اما بالنسبة للبرقوق فله فوائد كثيرة على الصحة واي فاكهة الا ولها فوائدها ولكن فينهما صحاب الرجيم هههههه مهم الله اعون الجميع

  18. أضيف بواسطة kikaa بتاريخ 20 يونيو 2012

    أنا بعد هاد نهار بديت فيه رجيم ديالك اللة أكلة جاني مزيان الحمدلله

  19. أضيف بواسطة kikaa بتاريخ 20 يونيو 2012

    حتى من بعد عندي واحد رجيم ديال واحد سيد سميتو أبو الأنور كيعتك رجيم زوين كل نهار بنهر

  20. أضيف بواسطة kikaa بتاريخ 20 يونيو 2012

    أنا من مدينة فاس زعمة ضعفو معه الناس

  21. أضيف بواسطة oklat بتاريخ 20 يونيو 2012

    صباح الخير عليكم ومرحبا بناس ديال فاس حنا الان في اليوم الثالث من الرجيم شو هي الاخبار اتمنى ان يكون كلشي تمام

  22. أضيف بواسطة oum ayman بتاريخ 20 يونيو 2012

    صباح لخير عليكم البنات الرشيقات أنا البارح كنت صايمة.مني فطرت كليت 2 بيضات مصلوقين 2 كيسان عصير أزلافة ديالة لحريرة او 4 تمرات مكليتش لخبز أشربت لما بزاف أون تاني ليوم صايمة لله إقبل انتوما البنات اشنو درت البارح

  23. أضيف بواسطة oum ayman بتاريخ 20 يونيو 2012

    أنا درت لعملية لحيسابية لي في lfacebook لقيت 29.3 يعني خصني نضعف انتوما البنات درتها

  24. أضيف بواسطة omadam بتاريخ 20 يونيو 2012

    سلام  لبنات سامحوني مبدتش معكم ريجيم حيت ختنختنت آدم أراكم عارفين شنو كيتبعدكشي أكنتلب مقو منكم لعندها شي تجربة ف هاد لموضوع تفيدني وششكراً

  25. أضيف بواسطة omadam بتاريخ 20 يونيو 2012

    سلام  لبنات سامحوني مبدتش معكم ريجيم حيت ختنختنت آدم أراكم عارفين شنو كيتبعدكشي أكنتلب مقو منكم لعندها شي تجربة ف هاد لموضوع تفيدني وششكراً

  26. أضيف بواسطة oklat بتاريخ 20 يونيو 2012

    الله اتقبل منك اختي ام ايمن اودعي معنا احبيبة و الله اوفق الجميع انا تني اختي العزيزة ام ادم عارفة لي كاين صعيبة شوية او الله اخليه ليك او اتربع في عزك ان شاء الله

  27. أضيف بواسطة مغربية بتاريخ 22 يونيو 2012

    سلام عليكم نتمنى ليكم التوفيق وبالصحة والسلامة انشاء الله

  28. أضيف بواسطة oum ayman بتاريخ 22 يونيو 2012

    البنات صباح لخير عليكم فالحقيقة كنا باغين نشجعو بعضياتنا ولكن شفتكم هاملين هاد لموضوع هنا تفقنا كل نهار تقولنا كل وحدة كفدذ نهار ديالها ولكن وقيلة حتى وحدة مبغات دير ريجيم حاولو البنات بش نتوانسو

  29. أضيف بواسطة oklat بتاريخ 22 يونيو 2012

    شكر لك اختي مغربية الله اوفقنا جميع لما يحبه ويرضاه اما اختي ام ايمن كيف حالك والله احنا درنا هاد الركن نحو الرشاقة نزولا عند رغبت بعض السيدات ساعة مابنوش ليا باقي ولكن غايب حجتو معاه كل وحدة او ظروفها المهم انا رهن الاشارة وقتما بيغتوا

  30. أضيف بواسطة oum ayman بتاريخ 22 يونيو 2012

    لهلا اخطيك أختي أسماء

  31. أضيف بواسطة rodayna2012 بتاريخ 24 يونيو 2012

    السلام عليكم الرشيقات فن وصلتو أنا جيت البارح من السفر مكانش سهل علي نتبع الريجيم ملي كتمشي لشي حد كتجي شوية ناقصة مكنكلش هادي وهدي ...فهمتوني لكن حاولت كل مفجهدي الحمد لله الامور دزت بخير،دبى أنا معكم مكتغيبوش .

  32. أضيف بواسطة oklat بتاريخ 24 يونيو 2012

    وعليك السلام اختي عتيقة على سلامتك انا عارفة صعيبة انك طبقي رجيم ونت عند الناس ماكين مشكيل مين تكوني فدارك طبقيه او كنتمنى من الرشيقات اخريات انضمو لينا بغينا منخرطات بزاف شي كولها شي مرحبا المجال مفتوح للجميع

  33. أضيف بواسطة rodayna2012 بتاريخ 27 يونيو 2012

    أفينكم الرشيقات مبان لي حتى رشيقة هنية وش دارت بناقص من الريجيم ولا شنو ؟أسماء قلي أختي وقتاش نقدر نعبر راسي بش نشوف وش نقصت ولا ولو؟قليلي وش نقدر ناكل الروز فالشلاضة؟شكرا

  34. أضيف بواسطة oklat بتاريخ 27 يونيو 2012

    انا اختي عتيقة نونسك نهار الاثنين نبدا معاك الرجيم ان شاء الله ونعبر راسي ونقوليك الخبار اما بالنسبة للروز حاولي تاخذي خمسة ملاعق كبار او في يوم الراحة كولي بكمية لي بغيتي وبالنسبة من الاحسن كل 15 يوم نعبرو راسنا وتلاحظي الفرق ان شاء الله كنتمنى ان اكونو البنات بزاف معانا مرحبا

  35. أضيف بواسطة meno بتاريخ 14 يوليو 2012

    فين وصلتوا في الرجيم هاهو رمضان جاي إن شاء الله اغاد يساعدكم باش تنقصوا الوزن غير مخاصكمش تاكلوا شهيوات بزاف الله يدخلو علينا بالأمن والامان وسلامة والاسلام وتوفيق لنا جميعا.

أضيف تعليق

مواضيع مختارة