تحضير ورقة البسطيلة ناجحة

rachida

اضغطي هنا لمشاهدة الصفحة الخاصة بالعضوة ، والتعرف على مشاركاتها



11117 مشاهدة , منذ6 مايو 2012

ورقة بسطيلة بطريقة سحرية و ساهلة ماهلة..

نوجدوها في البيت و تكون رقيقة ومتقونة.. أول حاجة الدقيق ضربيه مزيان مع الماء و مليحة في الخلاط الكهربائي حتى يتلين مزيان بحال تضويرة ديال الحريرة. و خليه شوية يشرب ثم خدي مقلاة ديال بغرير تكون ماركة تيفال من الافضل. حطيها على اناء به ماء و شعلي النار .باش تحصلي على حمام مائي. ولكن السر لي بغيت نضيف هو عوض الشويتة غادية تستعملي بونجة و تكون رطبة. وتغمسيها في العجينة و تملسي مقلاة تيفال و بسرعة غادية توجد . والنصيحة الاخرى هي تاخدي رشاشة ديال البلاستيك او بخاخة راها موجودة في السوق تعمريها بالزيت و تنزليها حداك و بداي ترشي على كل ورقة وجدت بلا ما تستعملي الشيتة او توسخي يديك. باش ما يتلاسقوش الوريقات مع بعضهم. ولكن حتى تزوليهم من المقلاة. وهاكة غادية توجدي ورقة هائلة من يديك و في وقت وجيز و بشكل متول يا لالة مولات الدار. لان البونجة مسربية على الشويتة و بالتجربة. وحاجة اخرة اذا بغيتيها لبسطيلة اعطيها شكل دائري و لكن اذا بغيتيها للبريوات اعطيها شكل مستطيل .

  1. أضيف بواسطة zahiraatlas بتاريخ 10 مايو 2012

    أجراك الله ألف خير علي هاد النصيحة الرائعة تبارك الله عليك

  2. أضيف بواسطة oum soukaina بتاريخ 10 مايو 2012

    نفس الطريقة كنديرهاكنشرك الخت لقدمته ا في واحد منتدى شحال هادي وحتى انت غيشكرك عليه اللخوات لمزال معرفو بلي بونجة حسن منشتا

  3. أضيف بواسطة maryam بتاريخ 18 مايو 2012

    اختنا رشيدة ديما معودنا على الجديد .الله ابارك فيك

  4. أضيف بواسطة rachida بتاريخ 19 مايو 2012

    بارك الله فيكم عزيزاتي نتمنى انني نكون فيدكم ونفيد الجميع

  5. أضيف بواسطة fatizz بتاريخ 25 مايو 2012

    بسم لله ماشاء لله عليك

  6. أضيف بواسطة ام ايةومريم بتاريخ 25 مايو 2012

    الله يعطيك الصحة انشاء الله نجربها و نرد عتيك لخبار انا يلااه بديت فالمطبخ كانتما تفيديني بنصاءحك و لك الاجر الكبير

  7. أضيف بواسطة rachida بتاريخ 26 مايو 2012

    شكر ليكم كاملين على تعاليقكم الرائعة ومرحب بيك اختي ام اية و مريم في اكلة كل عضوات كنتعاونو او كنفيدوا بعضنا نتمنى ان شي استافد من شي

  8. أضيف بواسطة Naima Ait Chikh بتاريخ 27 يونيو 2012

    تبارك الله عليك ا للا رشيدة الله اعطيك الصحة ^_^

  9. أضيف بواسطة bouchra68 بتاريخ 4 أكتوبر 2012

    الله يعطيك الصحة

  10. أضيف بواسطة samia_zouba بتاريخ 4 أكتوبر 2012

    الله ابارك فيك للا لحدقة و اعطيك صحة

أضيف تعليق

مواضيع مختارة